Tags-Ishq

gar qulzum-e-ishq hai be-sāhil ai ḳhizr to be-sāhil hī sahī
jis mauj meñ Duube kashti-e-dil us mauj ko tū sāhil kar de

bul-havas kam-fahm hai vo aadmī nādān hai
jo ye samjhā ishq kuchh mushkil nahīñ āsān hai

ishq-e-shorīda to uryāñ huā jaatā thā magar
parda-dār-e-nigah-e-shauq rahī kisvat-e-hijr

sitāroñ se aage jahāñ aur bhī haiñ
abhī ishq ke imtihāñ aur bhī haiñ

ishq hai ishq-e-pāk-bāzī kā
go ki ho ālam-e-majāzī kā

ishq kā tifl gir zamīñ uupar
khel sīkhā hai ḳhāk-bāzī kā

haath uThātā nahīñ gar ishq se maiñ ai nāseh
tū nasīhat se mirī haath uThā tujh ko kyā

vasl o hijrāñ meñ tanāsub raast honā chāhiye
ishq ke radd-e-amal kā mas.ala chheḌūñgā maiñ

tumheñ kyā kaam nāloñ se tumheñ kyā kaam aahoñ se
chhupāyā ho gunāh-e-ishq to pūchho gavāhoñ se

ishq kā rog bhalā kaise palegā mujh se
qatl hotā hī nahīñ yaar anā kā mujh se

zamīn-e-ishq-o-vafā pe uḌtī hikāyateñ bhī na.ī nahīñ haiñ
lahū kī gardish meñ raqs kartī rifāqateñ bhī na.ī nahīñ haiñ

husn o ishq kī laag meñ aksar chheḌ udhar se hotī hai
sham.a kī sho.ala jab lahrā.ī uḌ ke chalā parvāna bhī

tum merī ik ḳhud-mastī ho maiñ huuñ tumhārī ḳhud-bīnī
rishte meñ ik ishq ke ham tum donoñ be-buniyād hue

ishq-mohalle meñ ab yaaro kyā koī ma.ashūq nahīñ
kitne qātil mausam guzre shor hue fariyād hue

rahnumā.ī aql se chāhī shurū-e-ishq meñ
afv kar ai be-ḳhudī ye merī nādānī to hai

husn o ishq donoñ the be-karāñ o be-pāyāñ
dil vahāñ bhī kuchh lamhe jaane kab guzār aayā

aaj to be-sabab udaas hai jī
ishq hotā to koī baat bhī thī

sach kahte ho ham aise kahāñ aur soz-o-gudāz-e-ishq kahāñ
sach hai mire ā.īna-e-dil meñ koī kabhī tasvīr na thī

DugDugī hī nahīñ bajānī mujhe
ishq ko naach bhī sikhānā hai

aap ke faiz se tanvīreñ haiñ
ka.aba-e-ishq kī mehrāboñ meñ