Tags-Ishq

mas.ala ye nahīñ ki ishq huā hai ham ko
mas.ala ye hai ki iz.hār kiyā jaanā hai

raam use kar letā sachchā ishq mirā
lekin vo 'zīshān' pujārī dhan kā thā

ḳhudī ho ilm se mohkam to ġhairat-e-jibrīl
agar ho ishq se mohkam to sūr-e-isrāfīl

hameñ jo ishq meñ honā thā surḳh-rū 'ejāz'
to ham ne jān-e-hazīñ qalb-e-mubtalā māñgā

husn bhī ġhamza-o-andāz-o-adā bhuul gayā
ishq bhī jalva-e-rañgīñ kī ziyā bhuul gayā

sham.a bhī kam nahīñ kuchh ishq meñ parvāne se
jaan detā hai agar vo to ye sar detī hai

ab nahīñ tere do-ālam kī zarūrat mujh ko
ishq ne tere basā dī na.ī duniyā dil meñ

nāseh na taaza ishq kī maiñ vaz.a kī hai raah
har kuchh kare hai aadmī ahd-e-shabāb meñ

ab husn-o-ishq meñ farq nahīñ ab donoñ kī ik hālat hai
maiñ un ko dekhtā rahtā huuñ vo mujh ko dekhte rahte haiñ

ishq ke kārobār ko aksar
garmī-e-kārobār le Duubī

mire siiñ duur kyā chāhte haiñ sāya-e-ishq
jite haiñ shahr ke siyāne hue haiñ dīvāne

is meñ muzmar haiñ bahut naġhme hayāt-e-ishq ke
chheḌ mizrāb-e-junūñ sāz-e-rag-e-jāñ dekh kar

kiyā hai poshīda ishq ham ne kisī se dar-parda hai mohabbat
paḌe hue bistar-e-alam par jo rote haiñ muñh chhupā chhupā kar

aisā nahīñ ki un se mohabbat nahīñ mujhe
ifshā-e-rāz-e-ishq kī jur.at nahīñ mujhe

shorīdgī-e-ishq kahāñ le ke aa ga.ī
phūloñ se bhī jahāñ koī raġhbat nahīñ mujhe

rusvā jahāñ meñ kar diyā us jazb-e-shauq ne
maqsūd varna ishq meñ shohrat nahīñ mujhe

ishq hai ġham jo sikhātā hai fanā ho jaanā
dard-e-dil hai jise aatā hai davā ho jaanā

ishq pyārā hai to ne.amat hai ġham-e-mahjūrī
in kā milnā hai mohabbat kā judā ho jaanā

ghar is se ishq kā bantā hai dil saḳhtī se kyuuñ ghabrā.e
shīrīñ ye mahal uThvātī hai farhād ye patthar Dhotā hai

vo umañg kahāñ vo shabāb kahāñ hue donoñ nazr-e-ishq-mizha
pūchho mat aalam dil kā mire nishtar sā koī chubhotā hai