Tags-Ishq

fasāna-e-dard-e-ishq unvāñ badal badal kar sunā rahā huuñ
jigar jigar meñ utar rahā huuñ nazar nazar meñ samā rahā huuñ

maiñ ne har chand ġham-e-ishq ko khonā chāhā
ġham-e-ulfat ġham-e-duniyā meñ samonā chāhā

kyā ishq kā leñ naam havas aam nahīñ hai
andhoñ ko añdhere meñ koī kaam nahīñ hai

ishq kā iḳhtitām karte haiñ
dil kā qissa tamām karte haiñ

ḳhumār-e-ishq hai baaqī rag-e-shikasta meñ
nasha ye jaa.e utar thoḌī duur saath chalo

mirā habīb mire ishq meñ khilaunā ho
vo TuuT jaa.e to phir joḌ kar banā.ūñ use

adīb-e-ishq ke shāgird haiñ farhād aur majnūñ
ki koh-o-dasht kā maktab hai garm in do ḳhalīfoñ siiñ

samajh rahe the ki āsāñ hai ishq kī manzil
havās uḌne lage gard-e-kārvāñ kī tarah

jahāñ jahāñ se guzarte haiñ ahl-e-ishq-o-vafā
nuqūsh-e-rāh chamakte haiñ kahkashāñ kī tarah

ishq se bhaag ke jaayā bhī nahīñ jā saktā
naqsh-e-yak-ḳhvāb miTāyā bhī nahīñ jā saktā

ishq nahīñ koī nahañg hai yaaro
dushman-e-nām-o-nañg hai yaaro

sabr bin aur kuchh na lo hamrāh
kūcha-e-ishq tañg hai yaaro

ishq ke fan se abhī mujh ko kahāñ hai ittilā.a
kuchh nahīñ aatā baġhair az nāla-o-zārī mujhe

'bismil' butoñ kā ishq mubārak tumheñ magar
itne niDar na ho ki ḳhudā kā bhī Dar na ho

ham to mar mar ke sikhāyā kiye lekin ab tak
ishq kā husn-e-ḳhud-ārā ko chalan yaad nahīñ

mizha ke ishq se aa.ī na niiñd āñkhoñ meñ
nazar khaTaktī rahī ban ke ḳhaar saarī raat

yuuñ bhī ik imtihāñ sahī jazb-e-darūn-e-ishq kā
kuchh dinoñ dekh lījiye dil se hameñ bhulā ke bhī

ajab aalam hai āġhāz-e-surūr-e-ishq kā aalam
uThe jaise ufuq se māhtāb āhista āhista

husn ġhamze se chhuTā ishq farāmosh huā
aise hālāt meñ kyā sher bhī sachchā na kahūñ

jazba-e-ishq ko nākām kahāñ tak dekhūñ
sitam-e-gardish-e-ayyām kahāñ tak dekhūñ