Tags-Ishq

ishq kā sheva-e-ḳhud-kām kahāñ tak dekhūñ
ye tilism-e-sahr-o-shām kahāñ tak dekhūñ

husn ko larza-bar-andām kahāñ tak dekhūñ
ishq-o-yaksāniyat-e-ām kahāñ tak dekhūñ

ab na vo dil hai na vo dil kī umañgeñ baaqī
aur ab ishq kā anjām kahāñ tak dekhūñ

kitāb-e-ishq khulī thī sunā rahā thā koī
maiñ paḌh rahā thā nayā baab mere sāmne thā

soz-e-durūn-o-āh-e-dil ishq meñ donoñ ek haiñ
ham ko to ik surūr hai soz ho yā ki saaz ho

naaz hai shauq-e-āfrīñ shauq hai shorish-e-dimāġh
husn hai ārzū-pasand ishq junūñ-navāz ho

zauq-e-talab ko ishq ne turfa sabaq ye de diyā
nāla-e-dil-ḳharāsh ban āh-e-jigar-gudāz ho

dil kī taḌap meñ ai ḳhudā kuchh to ho zauq-e-āfiyat
dard vo de jo ishq meñ bā.is-e-imtiyāz ho

'farhat'-e-ārzū-pasand dars-e-niyāz-e-ishq ne
kūcha-e-ma.arifat meñ aa shefta majāz ho

kabhī shahr-e-husn-e-ḳhayāl se kabhī dasht-e-huzn-o-malāl se
tire ishq meñ tere pyaar meñ maiñ kahāñ kahāñ se guzar gayā

ishq kā dard phir burā kiyā hai
maut lāzim hai ishtibāh nahīñ

gul sab hañste haiñ bazm-e-gulshan meñ
ishq-e-bulbul magar riyā.ī hai

ātish-e-ishq se hai daaġh sarāpā merā
aadmī sarv-e-charāġhāñ na huā thā so huā

ham apne ishq se duniyā badalnā chāhte haiñ
magar ye ishq kī tazlīl karne vaale log

yād-e-mahbūb farāmosh na hove ai dil
husn-e-niyyat ne mujhe ishq se ne.amat dī hai

us sham.a-rū ke ishq meñ 'dā.ūd' gal sakal
tan ho rahā hai parda-e-fānūs kī namat

ishq kiyā to apnī hī nādānī thī
varna duniyā jaan kī dushman kab hotī hai

husn harjā.ī hai 'bismil' ishq kī lazzat ga.ī
andalīb-e-vaqt har ik gul kī shaidā.ī huī

ishq kyuuñ rusvā huā apnā sar-e-rāhe gaahe
aa isī tarah jo mil jā.iye gaahe gaahe

hai ye be-qufl qafas par vo parinda na uḌā
qissa-e-ishq tirā us ko sunāte rahnā