Tags-Ishq

tū samajh saktā nahīñ hai ishq kī me.arāj ko
tū ne chakkhe hī nahīñ haiñ barq hote zā.iqe

ishq ke marāhil meñ vo bhī vaqt aatā hai
āfateñ barastī haiñ dil sukūn paatā hai

umr-e-abad kā mā-hasal ishq kā daur-e-nā-tamām
haa.e vo mastī-e-sahar haa.e vo be-ḳhudī-e-shām

sunā hai jab se anal-haq kā mājrā yaaro
atā-e-ishq ko fitna batā.e jaate haiñ

ishq ik aisī havelī hai ki jis se bāhar
koī darvāza khule aur na darīcha nikle

ishq ke munkir the ham to ye jahāñ nāpaid thā
jab hue isbāt par maa.il barāmad kar liyā

kam hai kuchh kundan se kyā chehre kā us ke rañg-e-zard
ishq kar ke 'mus.hafī' tū kīmiyā-gar ho gayā

jo pūchhe ittihād-e-husn-o-ishq us ko nazar aave
ki niklā baiza-e-ġhuncha se bulbul jis ko kahte haiñ

bajā hote haiñ 'uzlat' dil kabāb in ishq-bāzoñ ke
dhuāñ hai husn kī ātish kā kākul jis ko kahte haiñ

ye aisā daav hai jab pheñko ulTā paḌtā hai
sameTe baiThe ho kyā ishq ko ḳhazāna kiye

ba-nām-e-ishq mirī zindagī tire qurbāñ
magar nasīb mirā be-talab nibāh meñ hai

ḳhāna-barbād kyā ishq ne tiflī se hameñ
ki miTā baiThī gharauñde kī tarah ghar apnā

dil le ke merā ishq kī sauġhāt baḳhsh dī
qurbān jā.iye karam-e-be-hisāb ke

jaane ham ye kin galiyoñ meñ ḳhaak uḌā kar aa jaate haiñ
ishq to vo hai jis meñ nā-maujūd mayassar aa jaate haiñ

havā-e-ishq meñ shāmil havas kī lū hī rahī
baḌhā bhī rabt to be-rabt guftugū hī rahī

chal chal ke rah-e-ishq meñ juuñ naqsh-e-qadam ham
thak baiThe 'nasīr' ab hameñ manzil nahīñ ma.alūm

sub.h tak Dhal ke koī harf-e-vafā aa.egā
ishq aa.egā ba-sad laġhzish-e-pā aa.egā

aur bhī un ne 'bayāñ' zulm kuchh afzūd kiyā
kiyā us shoḳh se tiiñ ishq kā iz.hār abas

ishq kī ḳhair ho allāh ki nā-shukroñ ne
ik adhūrī sī mulāqāt ko kaafī likkhā

ek majnūñ se sar-e-bāzār jab pūchhā gayā
ishq kyā hai to kahā donoñ-jahāñ kā khel hai