Tags-Ishq

ye terā ishq kab kā āshnā thā
kahāñ kā jaan ko merī dharā thā

murattab kar gayā ik ishq kā qānūn duniyā meñ
vo dīvāne haiñ jo majnūñ ko dīvāna batāte haiñ

naġhma-e-ishq-e-butāñ aur zarā āhista
zikr-e-nāzuk-badanāñ aur zarā āhista

ya.anī ki us ke ishq meñ is dam milā hai yaañ
muñh se lahū lagā ke shahīdoñ meñ tū qalam

vallāh hameñ ishq kī sab bhuul huī chaal
kāfir tirī raftār ne phir yaad dilā.ī

ā.īna numū-posh huā ishq meñ tere
chaar abaruoñ kī le ke faqīrāna safā.ī

maiñ dasht-e-ġham-e-ishq meñ hañstā huā aa.uuñ
raste se ġham-e-dahr kī dīvār haTā do

guzārī ham ne saarī zindagī ishq-e-butāñ meñ
mukammal us kī vahdat par yaqīñ hote hue bhī

ḳhud se koī mukar gayā hogā
ishq-dariyā utar gayā hogā

husn kī shoḳh-sarī kā yahī hāsil niklā
ātish-e-ishq baḌhī āh-o-fuġhāñ se guzre

vo mohabbat ho ke īsār-o-vafā ho 'zākir'
ishq ke tiir shab-o-roz kamāñ se guzre

visāl-o-hijr kī ye tohmateñ saheñ kab tak
ham ahl-e-ishq ki bezār apnī jaan se haiñ

is ishq meñ jiite nahīñ bachne ke 'nasīr' aah
ho jā.egā ik roz yuuñ hī kaam hamārā

suno hindū musalmāno ki faiz-e-ishq se 'hātim'
huā āzād qaid-e-maz.hab-o-mashrab se ab fāriġh

kabhī yād-e-ḳhudā kabhī ishq-e-butāñ yūñhī saarī umr gañvā baiThā
ab āḳhir-e-umr meñ aa ke khulā na thī ye sachchī na thā vo sachchā

sipāh-e-ishq jahāñ ḳhandaqoñ meñ jaltī thī
vo moḌ kaaT ke āḳhir mohabbateñ niklīñ

visāl-o-hijr se kyā ishq se sambhal na sakīñ
tirī nigāh meñ aisī nadāmateñ niklīñ

jo dasht-e-ishq meñ bichhḌe vo umr bhar na mile
yahāñ dhuāñ hī dhuāñ hai qarīb aa jaao

mujrim-e-ishq talabgār-e-muāfī to nahīñ
sirf ġham chāhtā hai ġham kī talāfī to nahīñ

ishq tū bhī zarā Tikā le kamar
dil bhī ab so gayā hai raat ga.e