Tags-Ishq

azm-o-himmat ke bāvajūd 'shakīl'
ishq kī ibtidā se Darte haiñ

jaan ko zaḳhm-e-tamannā se ifāqa na huā
phir na.e ishq meñ paimān-e-vafā chāhtī hai

rah-e-ishq se nā-balad hai abhī
ḳhizar ko ye rasta batā.eñge ham

tashbīh maiñ jis dil ko na dī ka.aba se so dil
ab ishq-e-mai-o-muġh se hai ham-rañg-e-ḳharābāt

ḳhabar-e-tahayyur-e-ishq sun na junūñ rahā na parī rahī
na to tū rahā na to maiñ rahā jo rahī so be-ḳhabarī rahī

munfarid phir bhī hai ai husn haqīqat us kī
zindagī ishq kī unvān-e-sad-afsāna sahī

fanā huā to maiñ tār-e-nafas meñ lauT aayā
ḳhushā ki ishq tirī dastaras meñ lauT aayā

gayā shabāb par itnā rahā ta.alluq-e-ishq
dil o jigar meñ tapak gaah gaah hotī hai

kaam aa.egī mizāj-e-ishq kī āshuftagī
aur kuchh ho yā na ho hañgāma-e-mahfil sahī

ishq samjhe the jis ko vo shāyad
thā bas ik nā-rasā.ī kā rishta

ishq har haal meñ pāband-e-vafā hotā hai
ham to badnām the kyuuñ aap ko rusvā karte

rafta rafta rañg laayā jazba-e-ḳhāmosh-e-ishq
vo taġhāful karte karte imtihāñ tak aa ga.e

sabr kī takrār thī josh o junūn-e-ishq se
zindagī bhar dil mujhe maiñ dil ko samjhātā rahā

hijr ke bādal chhaTe jab dhuup chamkī ishq kī
vasl ke āñgan meñ bhañvrā gul pe mañDlātā rahā

ahbāb haath uThā.eñ hamāre ilaaj se
sehat-pazīr ishq kā bīmār ho chukā

mirā ishq kahtā hai mujh se ki aa jā
tujhe le chalūñ maiñ uḌānoñ kī jānib

shahr chhoḌā hai tire ishq kī vahshat ke sabab
jaane le jaa.e kahāñ ab dil-e-bīmār kī dhun

ishq ye kaun sī manzil pe mujhe le aayā
aa.ina sāmne rakhnā tujhe sochā karnā

dekh kar lashkar ġhanīm-e-ishq kā
kishvar-e-aql-o-ḳhirad tārāj hai

ye rañg-e-junūn-e-ishq hai kyā is rañg-e-junūñ ko kyā kahiye
maiñ jis se mohabbat kartā huuñ ḳhud us se kinārā kartā huuñ