Tags-Ishq

ishq ke bahr meñ ġhota to lagāyā lekin
ba.ad meñ us ke kahāñ thā mujhe ma.alūm na thā

mere ham-nafas mere ham-navā mujhe dost ban ke daġhā na de
maiñ huuñ dard-e-ishq se jāñ-ba-lab mujhe zindagī kī duā na de

pā.imālo ishq meñ kyūñkar kaTī
kohkan se sar-guzashte apnī kaho

sham-o-parvāna jo pūchheñ soz-e-ishq
apnī biitī yā mirī biitī kaho

charchā hamārā ishq ne kyuuñ jā-ba-jā kiyā
dil us ko de diyā to bhalā kyā burā kiyā

kahte haiñ yaañ jise qimār-e-ishq
khel aise bahut se khele haiñ

jiite haiñ vo qimār-e-ishq meñ yaar
jaan par apnī jo ki khele haiñ

ishq tirī intihā ishq mirī intihā
tū bhī abhī nā-tamām maiñ bhī abhī nā-tamām

'āfrīdī' ishq ke baa.is hayā jaatī rahī
kyā huā tere ta.iiñ da.avā jo nām-o-nañg thā

'shād' ye ishq-e-zanaḳhdāñ meñ hai dil Dālūñ Dol
kuud paḌtā huuñ maiñ har chaah meñ andhā ho kar

rabt-o-zabt-e-bāhamī ke haa.e vo rāz-o-niyāz
āshiqāna husn thā aur ishq ma.ashūqāna thā

mere kufr-e-ishq meñ thī ek īmānī adā
us ke kāfir husn meñ ik ishva-e-turkāna thā

rūnumā lekin muqaddar se huā vo ishq ke
jo talavvun husn kī fitrat meñ mahbūbāna thā

haañ magar kal ishq ko dekhā ki vo shorīda-baḳht
baḌh chukā thā zindagī meñ maut se dīvāna thā

shān-e-dimāġh ishq ke jalve se ye baḌhī
rakhtā hai hosh bhī qadam apne sambhāl ke

rote haiñ tere ishq meñ ai rashk-e-māh jab
karte haiñ log ḳhanda hamārī fuġhān par

yuuñ bhī tūfān-e-ġham hazāroñ haiñ
ishq kī chashm-e-nam kī baat na kar

hai davā ishq to bīmārī bhī
ham davā ke liye bīmār hue

sub.h-e-azal jo husn huā dilsitān-e-ishq
āvāz-e-kun huī tapish āmoz-e-jān-e-ishq

mubtalā gar ishq meñ ai dil huā to soch le
zindagī bhar zindagī ko DhūñDhtā rah jā.egā