Tags-Ishq

dekho ye rañg-e-ruḳh kā shagūfa ki merā ishq
zāhir huā hai kahne se baḌh kar kahe baġhair

kuchh aql bhī rakhtā hai junūñ-zād hamārā
ab ishq meñ pāgal nahīñ farhād hamārā

merī nigāh-e-fikr meñ 'anvar'
ishq fasāna husn hai uryāñ

aise chup chup bhī kyā jiyā jaa.e
ab kahīñ ishq hī kiyā jaa.e

vatan kī sar-zamīñ se ishq o ulfat ham bhī rakhte haiñ
khaTaktī jo rahe dil meñ vo hasrat ham bhī rakhte haiñ

mire baa'd sāñseñ bhī khoyā karegā
tū bār-e-ġham-e-ishq Dhoyā karegā

ishq ik daaġh sahī dāman-e-hastī pe magar
ḳhud mashiyyat se bhī ye daaġh miTāyā na gayā

sarhad-e-ishq se aage na baḌhī vahshat-e-ishq
husn-e-hushyār ko dīvāna banāyā na gayā

is tarah rāh-e-ishq meñ sajde adā kiye
merī jabīn-e-shauq jhukī phir uThī nahīñ

ḳhayāl-e-ishq ne rahmat se bhī rakhā mahrūm
ye kyā kiyā ki gunāhoñ pe e.atibār kiyā

ishq pāgal-pan meñ sanjīda na ho jaa.e kahīñ
mujh ko Dar hai tū mere jaisā na ho jaa.e kahīñ

sar uThāyā ishq ne to choT ik bhārī paḌī
jā ke is ke paaoñ 'mohsin' apnī ḳhuddārī paḌī

ishq ne tere mujhe is rañg ko pahuñchā diyā
muñh se har ik ke sunā dushnām tere vāste

ishq kī ausat kam nahīñ hotī
aaj bhī sad-fī-sad hai dil meñ

ishq ho jaise jaan kī baazī
aisī shadd-o-mad hai dil meñ

harī bharī khetiyāñ kahāñ haiñ mire muqaddar ke zā.iche haiñ
shahīd-e-ishq-e-vafā kā 'tāhir' hatheliyoñ par hisāb likhnā

badle meñ jafāoñ ke vafā kyuuñ nahīñ dete
tum ishq ke sho.aloñ ko havā kyuuñ nahīñ dete

ummīdvār-e-jāh na tālib hasham ke haiñ
ham bādshāh kishvar-e-ishq-e-sanam ke haiñ

dil bhī jigar bhī jaan bhī siina bhī ishq meñ
ye sab makān sadma-o-dard-o-alam ke haiñ

muddatoñ tark-e-tamannā pe lahū royā hai
ishq kā qarz chukāyā hai bahut din ham ne