Tags-Jealousy

hasad se dil agar afsurda hai garm-e-tamāshā ho
ki chashm-e-tañg shāyad kasrat-e-nazzāra se vā ho

sitāroñ se hasad kī intihā hai
maiñ qabroñ par charāġhāñ kar rahā huuñ

na koī tiir na sāzish na tohmateñ na hasad
kisī ne mujh se baḌī be-svād nafrat kī

log rakhte haiñ diloñ meñ ātish-e-buġhz-o-hasad
aur phir karte haiñ shikva jal rahā hai tan badan

yahī to 'kaif' hasad hai ki dil bhī yāroñ ke
siyāh ho ga.e likkhe hue ḳhatoñ kī tarah

hasad kī aag meñ jalte raho to jalte raho
chaman kī ḳhaak meñ hogā mirā gulāb vajūd

is lagāvaT bhare lahje kī jagah hai dil meñ
tahniyat meñ jo riyā aur hasad hai rad hai

ba-zāhir jo karte haiñ ulfat kī bāteñ
unhī ke diloñ meñ hasad hai jalan hai

maiñ aur kuchh nahīñ kahtā magar ye sun rakhiye
adū kā dil hai labālab hasad se kiine se

agar aa ke ġhussa nahīñ rahā to lagī thī aag ki bujh ga.ī
jo hasad kā josh faro huā to ye zahr chaḌh ke utar gayā

kyā pata kab kisī rishte kā bharosa TuuTe
aise logoñ se na miliye jo hasad rakhte haiñ

dil meñ auroñ ke liye kīna-o-kad rakhte haiñ
log iḳhlās ke parde meñ hasad rakhte haiñ

hasad kī aag ke sho.ale jo bhaḌkāte haiñ ai logo
jalāte haiñ ḳhud apnī jaañ jo ye taqsīr karte haiñ

hasad kī aag thī aur daaġh daaġh siina thā
diloñ se dhul na sakā vo ġhubār-e-kīna thā

hasad kī aag meñ jaltā hai ab tak
barastī hai adū kī qabr par aag

kisī ko un se mohabbat kisī ko mujh se hasad
mileñ vo mujh se magar koī darmiyāñ bhī to ho

hasad kā rañg pasandīda rañg hai sab kā
yahāñ kisī ko koī ab duā nahīñ detā

kabhī huā jo kahīñ par ġhazal-sarā maiñ bhī
to mere yaar jale haiñ hasad kī ātish meñ

buġhz-o-hasad-o-nafrat nākāmī-o-mahrūmī
insānoñ kī bastī meñ kyā hai koī insāñ bhī

hasad nifāq adāvat havas daġhā lālach
lage hai zahr ye nafrat kā ḳhāndān mujhe