Tags-Justice

ḳhudā ke haath hai apnā ab ai 'qalaq' insāf
butoñ se hashr meñ hogā muqābla dil kā

rahe do do farishte saath ab insāf kyā hogā
kisī ne kuchh likhā hogā kisī ne kuchh likhā hogā

kahāñ ham bhī rag-o-pai rakhte haiñ insāf bahattar hai
na khīñche tāqat-e-ḳhamyāza tohmat nā-tavānī kī

jis jagah kaTtā hai sar insāf kā īmān kā
roz o shab nīlām hotā hai jahāñ insān kā

insāf kī tarāzū meñ taulā ayaañ huā
yūsuf se tere husn kā palla girāñ huā

insāf maiñ ne ālam-e-asbāb meñ kiyā
banvā.ī chāñdnī jo mayassar katāñ huā

munsif ho agar tum to kab insāf karoge
mujrim haiñ agar ham to sazā kyuuñ nahīñ dete

kis tarah tum se na māñgeñ tumhīñ insāf karo
bosa lene kā sazā-vār dahan hai kis kā

kaun maslūb huā kis pe lagā hai ilzām
kashmakash aisī hai insāf adālat māñge

shīrīñ-suḳhanāñ sab hī shukr becheñ haiñ lekin
insāf karo josh-e-ḳharīdār kidhar hai

insāf jo nādār ke ghar tak nahīñ pahuñchā
samjho ki abhī haath samar tak nahīñ pahuñchā

rahmat bhī tirī shāyad kuchh kaan kī ūñchī hai
insāf bhī terā kuchh andhā nazar aatā hai

bedard! zarā insāf to kar is umr meñ aur maġhmūm hai vo
phūloñ kī tarah nāzuk hai abhī tāroñ kī tarah ma.asūm hai vo

kareñ insāf kā daavā asar kuchh bhī na zāhir ho
mazā chakkhā hai aise dostoñ se bhī mohabbat kā

kyā khaḌā taktā hai sūrat ahd-e-hāzir ke javāñ
haañ miTā de dushman-e-insāf kā nām-o-nishāñ

aadmī se but kahā.e ab ḳhudā.ī kā hai azm
Tuk karo insāf apnī had se tum bāhar chale

Tak ai mudda.ī chashm-e-insāf vā kar
ki baiThe haiñ ye qāfiye kis adā se

har zaḳhm-e-jigar dāvar-e-mahshar se hamārā
insāf-talab hai tirī bedād-garī kā