Tags-Kanta

ham phuul haiñ ḳhushbū hī sadā deñge jahāñ ko
hargiz na kabhī kāñTā kahīñ ban ke chubheñge

niiñd yuuñ uḌ ga.ī ki lagtā hai
koī kāñTā chubhā hai āñkhoñ meñ

ab dekhnā hai kaun sañvāregā tere phuul
ik ham hī terī raah kā kāñTā the hiT ga.e

kāñTe se bhī nichoḌ lī ġhairoñ ne bū-e-gul
yāroñ ne bū-e-gul se bhī kāñTā banā liyā

thā maut kā khaTkā jāñ-farsā sad shukr ki niklā vo kāñTā
gar ho na qayāmat kā dhaḌkā ab to haiñ baḌe ārām se ham

ashk jab dīda-e-tar se niklā
ek kāñTā sā jigar se niklā

ḳhud-farebī ne be-shak sahārā diyā aur tabī.at ba-zāhir bahaltī rahī
ek kāñTā sā dil meñ khaTaktā rahā ek hasrat sī dil ko masaltī rahī

sho.ale bane haiñ lafz to kāñTā huī zabāñ
ab kyā kareñ jo terā fasāna kahā na jaa.e

abhī ik sher kahnā rah gayā hai
abhī niklā nahīñ kāñTā hamārā

sub.h ke phuul ko hañstā pā kar
raat kī aañkh meñ kāñTā dekhūñ

kyā Thereñ qadam dasht-e-navardān-e-vafā ke
kāñTā to nahīñ paañv meñ saudā hai saroñ meñ

juzv-e-dil ban ke samātī hai mohabbat dil meñ
ye vo kāñTā hai ki hai aur khaTaktā bhī nahīñ

ye vo kāñTā hai nikaltā nahīñ chubh kar dil se
ḳhalish-e-ishq kā āzār burā hotā hai

mar jaate the ġhairoñ ke kāñTā bhī jo chubhtā thā
ḳhud qatl hue lekin royā bhī nahīñ jaatā

furqat meñ tirī tār-e-nafas siine meñ mere
kāñTā sā khaTaktā hai nikal jaa.e to achchhā

jo ruup aa.ī ko achchhā lage vo apnā leñ
hamārī shaḳhsiyat kāñTā bhī hai gulāb bhī hai

ye jo khaTke hai dil meñ kāñTā sā
mizha hai nok-e-ḳhār hai kyā hai

musībat aa to ga.ī thī lekin huī vo aap ulTe paañv ruḳhsat
lagā jo thā zindagī kā kāñTā nikal gayā chaar din khaTak kar

zaḳhm bigḌe to badan kaaT ke pheñk
varna kāñTā bhī mohabbat se nikāl

ruk gayā haath tirā kyuuñ 'bāsir'
koī kāñTā to na thā phūloñ meñ