Tags-Kashti

jaane kis ghaaT lage umr kī kashtī 'ahmad'
ḳhud ko sūkhe hue dariyā meñ bahā aayā huuñ

girdāb sāmne hai muḳhālif havā.eñ haiñ
kashtī ko kaise jānib-e-sāhil ghumāoge

mañjdhār meñ apne hāthoñ se 'tasnīm' Dubo kar aah yahāñ
nākām mohabbat kashtī ko phir paar lagānā paḌtā hai

kabhī merī talab kachche ghaḌe par paar utartī hai
kabhī mahfūz kashtī meñ safar karne se Dartā huuñ

kisī girdāb kī pheñkī paḌī hai
lab-e-sāhil jo ik kashtī paḌī hai

Duubī jaatī hai zabt kī kashtī
dil meñ tūfān-e-iztirāb uThā

mirī kashtī kabhī ġharqāb kī thī
abhī tak maiñ samundar se ḳhafā huuñ

kashti-e-bahr-e-ġham hai mire haq meñ teġh-e-yār
kar detī ek dam meñ idhar se udhar to hai

TuuTī hai ye kashtī to mire saath safar ko
vo jān-e-masāfat mirā tayyār huā hai

Duboyā jis ne kashtī ko use hī nā-ḳhudā samjhe
diye the jis ne saare dukh usī ko chāragar jaanā

mujhe Darā.egā kaise ye pāniyoñ kā mizāj
maiñ apnī kashtī hamesha bhañvar meñ rakhtī huuñ

bharosa rakhoge ḳhudā pe jo apne
to kashtī samundar se bhī paar hogī

ḳhudā pe chhoḌ ke ai 'mauj' kashtī-e-ulfat
sukūn pā ga.e fikr-e-ma.āl se bhī ga.e

aise guzar rahī hai havādis ke darmiyāñ
kashtī safar pasand ho paanī rukā rahe

ab vo girdāb kī kashtī kī kahānī na sunā
tujh ko sāhil pe pahuñchnā hai to maujoñ se nikal

ham ko dariyā se na maujoñ se na kashtī se ġharaz
ab ke us paar hameñ le ke bhañvar jā.eñge

ye kahnā ham ne hī tūfāñ meñ Daal dī kashtī
qusūr apnā hai dariyā ko kyā burā kahnā

ik vo bhī safīna thā apnā jo sāhil sāhil ghuum gayā
ik ye bhī hamārī kashtī hai jo lahroñ meñ sar phoḌ ga.ī

mirī kashtī meñ koī chhed kar do
mujhe dariyā nihatthā lag rahā hai

jab apnā dil ḳhud le Duube auroñ pe sahārā kaun kare
kashtī pe bharosā jab na rahā tinkoñ pe bharosā kaun kare