Tags-Khat

ka.ī sadiyoñ meñ nahīñ aa.egā
us ne ḳhat meñ jo likhā thā ik din

bane kyā ḳhāl-o-zulf-o-ḳhat se dekheñ
hue haiñ kitne ye kāfir farāham

aadhe dhaḌ kā dam nikaltā thā ki aayā ḳhatt-e-shauq
paḌhte paḌhte mar ga.e tahrīr aadhī rah ga.ī

mire ḳhat ko phāḌā raqīboñ ke aage
kisī kī vo paTTī paḌhā.e hue haiñ

likkho salām ġhair ke ḳhat meñ ġhulām ko
bande kā bas salām hai aise salām ko

surīñ nāzuk kamar patlī ḳhat-e-gulzār ruumā dil
kahūñ kyā aage ab is ke maqām-e-parda-dārī hai

chāñdnī meñ jab vo nau-ḳhat nīmcha le haath meñ
maah us ko dekh lene kī sipar le muñh pe aaḌ

ḳhatt-e-siyāh darpai hai zulf ke 'nasīr' ab
bichchhū kā chhīnñe ghar niklā hai kankhajūrā

dil to dil vo dimāġh bhī na rahā
shor-e-saudā-e-ḳhatt-o-ḳhāl kahāñ

ruḳhsār-e-yār par nahīñ āġhāz-e-ḳhat abhī
dekhā nahīñ in āñkhoñ ne sūraj gahan hanūz

ḳhat lifāfe meñ ġhair kā niklā
us kā qāsid bhī be-vafā niklā

baiThā huuñ apne gosha-e-uzlat meñ shaam se
ḳhat likh rahā huuñ us ko baḌe ehtimām se

na koī ḳhat milā ham ko nahīñ paiġhām koī par
sunā dāvat kā us ne shahr meñ ruqqa ghumāyā hai

bas rakh diyā ḳhat meñ barg-e-sausan
jab likh na sake sifat misī kī

apne bhī ḳhatt-o-ḳhāl nigāhoñ meñ ab nahīñ
is tarah chhā ga.ī haiñ nazar par udāsiyāñ

tahayya kar liyā tañg aa ke go tark-e-ta.alluq kā
magar ab fikr hai ye ḳhat unheñ likkheñge kis dil se

charāġh-e-bazm abhī jān-e-anjuman na bujhā
ki ye bujhā to tire ḳhatt-o-ḳhāl se bhī ga.e

hai ik ḳhat-e-nādīda dariyā-e-mohabbat meñ
hotā hai jahāñ aa kar paanī se judā paanī

faujāñ siiñ baḌh chale juuñ yakkā koī sipāhī
yuuñ ḳhaal chhūT ḳhat señ mukh par rahe nirālā

ai shauq burā is vahm kā ho maktūb tamām apnā na huā
vaañ chehre pe un ke ḳhat niklā yaañ bhūle hue alqāb haiñ ham