Tags-Khizan

vo log jo ki ma.āl-e-chaman se vāqif haiñ
ḳhizāñ-nasīb guloñ kī bahār kyā dekheñ

ravā-ravī meñ guloñ kī bahār kyā dekheñ
chaman chaman hai ḳhizāñ darkinār kyā dekheñ

ḳhizāñ jā.egī jis din phir vahī josh-e-junūñ hogā
ḳhamoshī bāġh-e-ālam meñ mire ḳhvāb-e-girāñ tak hai

sarsar-e-jaur ne har-chand ḳhizāñ bikhrā.ī
phuul meñ aag shagūfoñ meñ lahak baaqī hai

shāḳh-e-ummīd ko ḳhizāñ na bahār
ye sab din harī sī rahtī hai

qadam-e-yār kā āvāza har ik gul par hai
amn chāhe jo ḳhizāñ se mirī pā-posh meñ aa

lavoñ ke jashn-e-zār meñ ḳhizāñ ko haal aa.egā
mire shajar ke saa.e par agar zavāl aa.egā

ḳhushk pattoñ pe chale jaise koī shām-e-ḳhizāñ
ab tirī yaad kā yuuñ jism pe pahrā hogā

har-vaqt ab to jaib-o-garebāñ haiñ chaak chaak
ehsās ehtimām-e-bahār-o-ḳhizāñ nahīñ

dil-e-ḳhūñ-gashta-e-hasrat ne kyā kuchh gul khilā.e haiñ
bahār-āgīñ hai kuchh ab kī baras fasl-e-ḳhizāñ kyā kiyā

mire bachchoñ ko allāh rakhe in taaza havā ke jhoñkoñ ne
maiñ ḳhushk peḌ ḳhizāñ kā thā mujhe kaisā barg-o-bār diyā

visāl-e-dā.imī kā hai tasavvur
bahār-e-be-ḳhizāñ hai aur maiñ huuñ

gul-e-gulchīñ kahāñ fasl-e-ḳhizāñ meñ
purānā āshiyāñ hai aur maiñ huuñ

darīda bāheñ ḳhizāñ meñ pukārtī haiñ chalo
havā-e-tund meñ har shāḳh be-sipar hai bahut

ab aa kar laaj bhī rakh le ḳhizāñ-dīda bahāroñ kī
ye dīvāne fasānoñ se to jī bahlā nahīñ sakte

chaman vaale ḳhizāñ ke naam se ghabrā nahīñ sakte
kuchh aise phuul bhī khilte haiñ jo murjhā nahīñ sakte

vo naḳhl jo bār-var hue haiñ
āshob-e-ḳhizāñ se Dar rahe haiñ

aatī ḳhizāñ meñ bikhre haiñ murjhā.e chand phuul
ujḌā huā chaman hai ye jaatī bahār hai

koī mausam ḳhizāñ se āshnā us ko nahīñ kartā
ham apne ḳhuun se jo gulsitāñ tahrīr karte haiñ

ghūreñge kyā guloñ ko gulistān-e-dahr meñ
ruḳhsat huī bahār nuzūl-e-ḳhizāñ huā