Tags-Khizan

gulistāñ meñ bahār-e-gul-fashāñ aane se kyā hāsil
ki mustaqbil kī tasvīr-e-ḳhizāñ kuchh aur kahtī hai

ḳhizāñ ke dam se apnī ḳhush-dilī kā hai bharam varna
bahār aate hī yād-e-āshiyāñ kuchh aur kahtī hai

ye ḳhudā hī jaane vo kaun thā jo shahīd-e-nāz-o-adā huā
ki uḌī hai ḳhāk-e-rah-e-sanam to ḳhizāñ meñ rañg-e-bahār hai

lahū kī surḳhiyāñ mere alam haiñ
ḳhizāñ ke zard lashkar se laḌūñgā

ulajh rahā hai jo ḳhāroñ meñ phir se ye dāman
ḳhizāñ ba-dosh bahāroñ se baat kartā huuñ

chubhte hī banī ḳhār-sifat pā-e-ḳhizāñ meñ
kyā kiije bahut ham ko ġham-e-lāla-ruḳhāñ hai

hai ḳhizāñ nā-āshnā tere gulistāñ kī bahār
tujh pe hai sāya-fagan dāmān-e-lutf-e-kirdgār

is chaman meñ ḳhizāñ-nasīboñ ko
ik kalī adh-khilī hī kaafī hai

yā ḳhizāñ jaa.e aur bahār aa.e
yā ḳhizāñ hī bahār ho jaa.e

guzar ga.ī jo chaman par vo koī kyā jaane
jhaḌe hue haiñ bahār-o-ḳhizāñ ke afsāne

ham kushta-e-ḳhizāñ sahī ai dosto magar
āsūda-e-bahār hamārā hī naam thā

ummīd ke ufuq se na uTThā ġhubār tak
dekhī agarche rāh-ḳhizāñ se bahār tak

ḳhizāñ ke aane se ho jaa.eñ ġham-zada jo phuul
unheñ qasam hai bahāroñ meñ muskurāne kī

vo maiñ huuñ jis ne shola-e-sāġhar uchhāl kar
kī hai ḳhizāñ kī baat bahāroñ ke shahr meñ

tamāshe kī shakleñ ayaañ ho ga.ī haiñ
bahāreñ bahut yaañ ḳhizāñ ho ga.ī haiñ

Tuk ai bāġhbāñ rahm kar bulbuloñ par
ḳhizāñ meñ ye be-āshiyāñ ho ga.ī haiñ

ab is ke ba.ad havā.eñ hī is kā muddat haiñ
shajar se TuuT rahā hai ḳhizāñ meñ paat koī

jāntā huuñ naaz phir bhī sabr kī tāqat nahīñ
bāġh-e-dil ko ek din nazr-e-ḳhizāñ honā hī thā

ā.īna le ke dekh zarā apne husn ko
aa.egī ye bahār-e-gulistāñ ḳhizāñ meñ yaad