Tags-Khoon

ahd-e-visāl-e-yār kī tujh meñ nihāñ haiñ dhaḌkaneñ
mauja-e-ḳhūn-e-ehtiyāt ḳhud ko uchhāl bhī nahīñ

kaun sī vo ātish thī mere ḳhuun meñ 'sālim'
haath jal ga.e us ke uñgliyāñ Dubone se

ḳhuun insāñ kā bahāte haiñ jo paanī kī tarah
aise logoñ kī badaulat gulistāñ barbād hai

aa.e kabhī jo baaġh meñ dīvāngān-e-dasht
āñkhoñ se jū-e-ḳhūn bahā kar chale ga.e

'habīb' aañkh se Tapkī huī ye ashk kī buuñd
jigar kā ḳhuun kabhī ye guhar bhī hotī hai

ḳhūn-e-dil se diye jalā.e haiñ
ho ke guzro ġharīb-ḳhāne se

ek shola merī āvāz meñ lahrātā hai
ḳhuun meñ lahr ḳhayāloñ meñ lalak paidā ho

ḳhuun se jaise vāsta hī nahīñ
saaf hai ḳhanjar-e-pur-āb kā rañg

ḳhūn-e-jigar se qaul rahā ye mere ashk-e-chashm-e-tar kā
chaḌhtā dariyā bahtā dariyā maiñ hī maiñ huuñ tū hī tū hai

ḳhaak aur ḳhuun se ik sham.a jalā.ī hai 'nushūr'
maut se ham ne bhī sīkhī hai hayāt-ārā.ī

ḳhūn-e-dil piitī haiñ vaañ aur khātī haiñ laḳht-e-jigar
lutf ke badle uThāne ko jafā-o-jaur hai

gar bahā-e-ḳhūn-e-āshiq hai visāl
intiqām-e-zahmat-e-jallād kyā

ham ne to ḳhūn-e-dil se khilā.e haiñ gulistāñ
tum se to ḳhār-o-ḳhas bhī ugaa.e na jā sake

ḳhuun kar duuñ tire shabāb kā maiñ
mujh sā qātil tirā shabāb nahīñ

ḳhūn-e-a.adā se na ho ḳhūn-e-shahīdāñ hī se ho
kuchh na kuchh is daur meñ rañg-e-chaman nikhrā to hai

dilā ab to firāq-e-yār meñ ye haal hai apnā
ki sar zaanū pe hai aur ḳhūn-e-dil āñkhoñ se jaarī hai

tum ahl-e-siyāsat kyā jaano ham ahl-e-qalam ke jazboñ ko
jo ḳhūn-e-jigar se likh deñ to sab kā ghabrānā lāzim hai

kuchh vote kamāne kī ḳhātir kyā ḳhuun bahāna lāzim hai
jab baat amn kī ho har sū kyā baat baḌhānā lāzim hai

neza-o-shamshīr-o-ḳhanjar kī agar ifrāt hai
ḳhuun kī bhī merī rag rag meñ farāvānī rahe

bekasoñ ke ḳhuun meñ Duube hue haiñ tere haat
kyā chabā Dālegī o kambaḳht saarī kā.enāt