Tags-Khoon

ḳhuun hai jis kī javānī kā bahār-e-rozgār
jis ke ashkoñ par farāġhat ke tabassum kā madār

bekasoñ ke ḳhuun meñ Duube hue haiñ tere haat
kyā chabā Dālegī o kambaḳht saarī kā.enāt

ḳhuun jis kā dauḌtā hai nabz-e-istiqlāl meñ
loch bhar detā hai jo shahzādiyoñ kī chaal meñ

hamārā ḳhuun samay kā sufūf jazb kare
hamārī chhāl kisī bad-gumāñ ne chhīlī thī

ḳhūn-e-nāhaq kā kisī ke shubah aur tum par magar
sīna-e-'jauhar' meñ dekho to ye kis kā tiir hai

ye mileñ ye jāgīreñ
kis kā ḳhuun piitī haiñ

tere kūche meñ jo merā ḳhuun ho ai lāla-rū
surḳh-rū yāroñ meñ huuñ gul-rañg gulzāroñ meñ huuñ

bole vo 'hasan' kā ḳhuun mal kar
kyā shoḳh hai rañg is hinā kā

bevafā.ī us ne kī merī vafā apnī jagah
ḳhūn-e-dil apnī jagah rañg-e-hinā apnī jagah

jaane kis farhād kā tesha kis ke jigar ko chiir gayā
ḳhuun kī dhāreñ dekh rahā huuñ patthar kī dīvāroñ meñ

lagā ke ḳhūn-e-jigar kā Tiikā hai sāmne ġham ke sar-ba-sajda
sanam-parastī meñ tū bhī ai dil kisī barahman se kam nahīñ hai

māl-o-zar kī qadr kyaa? ḳhūn-e-jigar ke sāmne
ahl-e-duniyā hech haiñ ahl-e-hunar ke sāmne

ḳhūn-e-shahīd-e-ishq vo kahte the faash kaise ho
rañg-e-gul-ezār se surḳh huī havā ki yuuñ

aaj kheleñge mire ḳhuun se holī sab log
kitnā rañgīn har ik shaḳhs kā dāmāñ hogā

bah chukā ḳhūn-e-dil aañkh tak aa pahuñchā sail
ro.e jā aur bhī ai dīda-e-tar dekheñ to

muskurātī zindagī ke ḳhuun kā pyāsā uqaab
vaqt ke hāthoñ meñ zaḳhmī fāḳhta de jā.egā

jo sūrat-e-zaḳhm ḳhuun ro de
aisā na hañsā.iye kisī ko

husn thā jab mastūr hayā meñ
ishq thā ḳhūn-e-dil kā rachāo

ek maqsad ke liye amn kī tahrīroñ meñ
ḳhuun se likkhe hue baab dikhāte haiñ tumheñ

merī āñkhoñ ne us ḳhūn-e-tāza kā nauha paḌhā
merī sāñsoñ kā Dorā ulajhne lagā