Tags-Khoon

phuul khile haiñ mausam badlā sahrā ke vīrānoñ kā
qatra qatra ḳhuun jo Tapkā zaḳhmoñ se dīvānoñ kā

ḳhūn-e-jigar se umr bhar qarz-e-hayāt adā kiyā
phir bhī yahī sunā kiye roz-e-hisāb aur hai

teġh-e-qātil par apnā ḳhuun jam kar
maḳhmal-e-surḳh kā ġhilāf huā

zarā Thahar ki abhī ḳhuun meñ samā.ī nahīñ
mire qarīb badan kī sharāb rahne de

jo karte haiñ ḳhūn-ḳharāba zulm-o-sitam
un ke bhī dil meñ thoḌā Dar de maulā

ḳhvāhish kī garmiyāñ thiiñ ajab un ke jism meñ
ḳhūbāñ kī sohbatoñ meñ mirā ḳhuun jal gayā

kyā sahl samjhe ho kahīñ dhabbā chhuTā na ho
zālim ye merā ḳhuun hai rañg-e-hinā na ho

nazar us kī hai mirī samt abhī mirā dāman-e-goharīñ na dekh
abhī ḳhūn-e-dil hai rukā huā abhī āñsuoñ se ye tar nahīñ

ye jo āñkhoñ se ḳhuun jaarī hai
is ko hāthoñ kī tum hinā kar do

harījan bastī kī kuTiyā meñ
ḳhuun se lat-pat lahūluhān

surḳh sahar se hai to bas itnā sā gila ham logoñ kā
hijr charāġhoñ meñ phir shab bhar ḳhuun jalā ham logoñ kā

kuchh mast haiñ ham dīda-e-pur-ḳhūn-e-jigar se
aayā yahī hai sāġhar-e-sarshār-e-mohabbat

jin ahl-e-himmat ke rāstoñ meñ bichhā.e jaate haiñ aaj kāñTe
unhī ke ḳhūn-e-jigar se rañgīñ chaman kī har ik kalī milegī

banā letā hai mauj-e-ḳhūn-e-dil se ik chaman apnā
vo pāband-e-qafas jo fitratan āzād hotā hai

dil ko kis bū-qalamoñ jalve ne hai ḳhuun kiyā
ashk ā.ankhoñ se jo ye rañg-ba-rañg aate haiñ

mariyam kahāñ talāsh kare apne ḳhuun ko
har shaḳhs ke gale meñ nishān-e-salīb thā

dekh to liije mire ḳhūn-e-tamannā kī bahār
jis kī surḳhī mirī ā.ankhoñ meñ utar aa.ī hai

paañv zaḳhmī hue aur duur hai manzil 'vāsif'
ḳhūn-e-aslāf kī azmat ko jagā luuñ to chalūñ

sīñchī haiñ dil ke ḳhuun se maiñ ne ye kiyāriyāñ
kis kī majāl merā chaman mujh se chhīn le

lab-e-sofār meñ surḳhī kahāñ se us ke aa.ī hai?
jo terā tiir piyāre ḳhūn-e-dil merā nahīñ piitā