Tags-Khuda

ek shahzāde ḳhudā ke āsare par
kūfiyoñ kī sarzamīñ par aa gayā hai

haif tujh ko zindagī kā rāsta miltā nahīñ
piir milte haiñ tujhe lekin ḳhudā miltā nahīñ

zabān-e-ḳhalq ko naqqāra-e-ḳhudā samjho
ye jānte haiñ sabhī inkishāf thoḌī hai

dasht o dar ḳhair manā.eñ ki abhī vahshat meñ
ishq ne pahlā qadam nām-e-ḳhudā rakkhā hai

har shaḳhs se be-niyāz ho jā
phir sab se ye kah ki maiñ ḳhudā huuñ

sambhāl vaa.iz zabān apnī ḳhudā se Darā ik zarā hayā kar
butoñ kī ġhībat ḳhudā ke ghar meñ ḳhudā ḳhudā kar ḳhudā ḳhudā kar

hañsī bhī aatī hai in par taras bhī aatā hai
ye nafratoñ ke pujārī ḳhudā se lipTe hue

ye jahāñ 'jaun' ik jahannum hai
yaañ ḳhudā bhī nahīñ hai aane kā

aadam ko ajab ḳhudā ne rutba baḳhshā
adnā ke liye maqām-e-ālā baḳhshā

mil ga.e ham ko sanam-ḳhānoñ meñ kitne hī ḳhudā
DhūñDne par koī banda hī ḳhudā kā na milā

yahī vīrāna bachā thā to ḳhudā ne āḳhir
rakh diye dil meñ mire saat samundar apne

kam-savādoñ ko masīhā nā-ḳhudāoñ ko ḳhudā
buud ko nābūd hastī ko adam kahte rahe

āñkhoñ meñ hai lihāz tabassum-fizā haiñ lab
shukr-e-ḳhudā ke aaj to kuchh raah par haiñ aap

paḌ ga.ī chakkar meñ kashtī nā-ḳhudā
ab ḳhudā par is ko chhoḌā chāhiye

jaane vaale jā ḳhudā hāfiz magar ye soch le
kuchh se kuchh ho jā.egī dīvāngī tere baġhair

kyā Dar hai jo ho saarī ḳhudā.ī bhī muḳhālif
kaafī hai agar ek ḳhudā mere liye hai

tauhīd to ye hai ki ḳhudā hashr meñ kah de
ye banda zamāne se ḳhafā mere liye hai

ḳhudā kī marzī batā rahā thā bichhaḌne vaalā
vo jāntā thā ki giilī lakḌī dhuāñ karegī

ḳhilqat-e-ḳhūbāñ ke biich qubah-e-ḳhudā nikle hai
aib hai use munkiro husn agar dekhnā

kaif-e-ḳhudī ne mauj ko kashtī banā diyā
hosh-e-ḳhudā hai ab na ġham-e-nāḳhudā mujhe