Tags-Khuda

ḳhudā honā b mushkil hai banda honā b mushkil hai
samajhtā hai yū nukte kuuñ jo aarif sāhib-e-dil hai

nikāt-e-ishq asrār-e-ḳhudā haiñ begamāñ 'qurbī'
jane asrār ko bujyā vahī haq saat vāsil hai

bandā hai apnī tafsīlāt suuñ zāt-e-ḳhudā mutlaq
sifat hor fe.al-o-qaul us kā bī mutlaq-pan ko shāmil hai

ḳhudā hai banda banda hai ḳhudā chashm-e-yaqīñ so dek
bhī donoñ ġhair yak-e-dīgar yahī irfān-e-kāmil hai

ḳhudā ma.abūd hai mutlaq bandā maujūd hai mutlaq
u donoñ mutlaq-e-bar-haq samajh har yak kā mushkil hai

ḳhudā hai masdar-e-mutlaq bandā bī us suuñ hai mushtaq
jidhar dekhe udhar hai haq vale pindār haa.il hai

ḳhalq-e-ḳhudā hai shaah kī muḳhbar lagī huī
ḳhāmoshiyoñ kī bhiiḌ hai ghar-ghar lagī huī

dil kī parvā kare koī kab tak
chāhtā kyā hai ye ḳhudā ma.alūm

ḳhayāl-e-yār kyūñ-kar aa gayā tūfān-e-girya meñ
ḳhudā ma.alūm kis shai kā banāyā pul samundar meñ

ḳhudā kā shukr ki nisbat qalam se hai varna
hamāre haath bhī bārūd lag chukā hotā

kisī kī rah se ḳhudā kī ḳhātir uThā ke kāñTe haTā ke patthar
phir us ke aage nigāh apnī jhukā ke rakhnā kamāl ye hai

adāvatoñ meñ jo ḳhalq-e-ḳhudā lagī huī hai
mohabbatoñ ko koī bad-duā lagī huī hai

do jā nahīñ hai jag meñ maujūd juz ḳhudā ke
is baat kī shahādat ik lā-ilāh bas hai

kabhī maz.hab thā dil meñ ab hai daulat kī panāhoñ meñ
ḳhudā kā naam le kar bhī gunahgārī kī bāteñ haiñ

hamārī ma.asūmiyat to dekho rakh aa.e dil ham huzūr-e-jānāñ
ki jaise koī ḳhudā kā banda havā ke aage charāġh rakh de

charāġh raushan zarūr kar to par is se pahle ḳhudā kī ḳhātir
yahāñ pe phailā hai jo añdherā sameT zer-e-charāġh rakh de

vā.izo banda-e-ḳhudā to hai 'aish'
ham ne maanā vo pārsā na sahī

ye sunā.eñ paak naġhme avvalīñ ilhām ke
vo ḳhudā ke āḳhirī paiġhām kī bāteñ kareñ

shaiḳh o panDit dharm aur islām kī bāteñ kareñ
kuchh ḳhudā ke qahr kuchh in.aam kī bāteñ kareñ

kashish-e-rañg-e-mohabbat se vo aayā hai yahāñ
ai ḳhudā ab mire ghar se na kabhī jaa.e bahār