Tags-Khuda

tabī.at apnī hai kyuuñ mukaddar nahīñ samajhtā na samjhe dilbar
karegā dushman bhī rahm ham par agar ḳhudā apnā mehrbāñ hai

kāñptā hai vo dil ġhazab se tire
jis ne ai but ḳhudā kā Dar na kiyā

bhūlā jaa.e hai ġham-e-butāñ meñ jī
ġharaz aatā hai phir ḳhudā hī yaad

har ek shaḳhs ko insān hī rakhā ham ne
ki aadmī ko nazar meñ ḳhudā kiyā hī nahīñ

ḳhudā kā aadmī ko Dar kahāñ ab
vo ghabrātā hai keval aadmī se

biktā rahtā sar-e-bāzār ka.ī qistoñ meñ
shukr hai mere ḳhudā ne mujhe shohrat nahīñ dī

vafā kā imtihāñ hai jān-o-tan kī āzmā.ish hai
ḳhudā rakkhe ḳhudī ke bāñkpan kī āzmā.ish hai

maiñ tere saath uḌtā phir rahā thā āsmāñ meñ
ḳhudā ko bhuul jaane kā irāda hī nahīñ thā

'nadīm' chāhat ye kam na hogī ḳhudā karegā ki phir mileñge
ye jaate jaate maiñ kah rahā huuñ mujhe duāoñ meñ yaad rakhnā

mujhe ḳhudā ne basāratoñ kī hadoñ se zyāda basārteñ diiñ
maiñ band āñkhoñ se dekhtā huuñ mujhe duāoñ meñ yaad rakhnā

banā luuñ ḳhudā to bhī mere na hoñge
butoñ meñ koī bhī huā hai kisī kā

aaj ke daur meñ vīrāne bhī ta.amīr hue
kal kī tahzīb ḳhudā jāniye kyā Thahregī

ik ajab taur haal hai ki jo hai
ya.anī maiñ bhī nahīñ ḳhudā bhī nahīñ

jā duā.eñ haiñ tere saath mirī
ab muhāfiz tirā ḳhudā panchhī

maiñ bulandī pe agar jā.ūñ to kaise jā.ūñ
āsmānoñ se zamīnoñ pe ḳhudā kyuuñ aa.e

shikast hamārā ḳhudā hai
marne ke ba.ad ham usī kī parastish kareñge

dahr pe maiñ khulā nahīñ mujh ko ḳhudā milā nahīñ
aap hī apnā raaz huuñ aap hī apnā rāz-dāñ

bachche ne titlī pakaḌ kar chhoḌ dī
aaj mujh ko bhī ḳhudā achchhā lagā

faḳhr zebā hai ki muddat pe kahīñ jā ke mirī
ab talabgār ḳhudā kī ye ḳhudā.ī huī hai

zaarī pe merī rahm bhī kar aa ḳhudā ko maan
kāfir rahegā ham se tū bezār hī bhalā