Tags-Ada

milte haiñ is adā se ki goyā ḳhafā nahīñ
kyā aap kī nigāh se ham āshnā nahīñ

aafat to hai vo naaz bhī andāz bhī lekin
martā huuñ maiñ jis par vo adā aur hī kuchh hai

maiñ zindagī tere ehsān meñ dabā hī rahā
ik umr guzrī tirā qarz bhī adā karte

jab tumhīñ tum ho har adā merī
phir bhalā mujh se kab judā ho tum

ye aisā qarz hai jo maiñ adā kar hī nahīñ saktā
meñ jab tak ghar na lauTūñ merī maañ sajde meñ rahtī hai

tumhārī teġh-e-adā kā fasāna suntā huuñ
mujhe to qatl karo dekhūñ to kaise qātil ho

ajab nahīñ ki agar ā.īna muqābil ho
tumhārī teġh-e-adā ḳhud tumhārī qātil ho

tumhārī ik adā to vāqa.ī tārīf ke qābil hai jān-e-man
maiñ shashdar huuñ ki us ko pyaar itnā be-tahāshā kaise karte ho

ye be-ruḳhī-e-fitrat mahbūb ke shākī
itnā bhī na samjhe ki adā bhī hai koī chiiz

lutf-e-jafā-e-dost kā kaise adā ho shukriya
lazzat-e-sorish-e-jigar dene lagī duā ki yuuñ

bajā
namāz-e-janāza ham ne adā to kī thī

'dānā' mujhe azal se ġhazal kī talāsh thī
ye merī zindagī kī adā kā savāl thā

bāzār-e-kā.ināt meñ ye faisla huā
yārān-e-ḳhush-adā ho tamasḳhur ravā huā

adā-e-husn kī husn-e-adā kī baat hotī hai
vafā kī āzmā.ish par jafā kī baat hotī hai

samajhne vaale tumhārī adā samajhte haiñ
vo aur kuchh hai jise sab qazā samajhte haiñ

adā-shanās kī apne adā samajhte haiñ
ki be-kahe vo mirā mudda.ā samajhte haiñ

jiitā na bachegā koī zālim
aisī hī jo tū adā karegā

teġh-e-adā meñ us ke hai ik rūh-e-tāzgī
ham kushtagān-e-shauq ko mar jaanā chāhiye

mere aabā ki the nā-mahram-e-tauq-o-zanjīr
vo mazāmīñ jo adā kartā hai ab merā qalam