Tags-Khushi

na rakh sake sar-e-saudā-e-ishq kī tauqīr
buland rakhte ḳhushī se jo sar hī jaanā thā

mujh ko bahlā.eñge kyā ahl-e-tarab ke naġhme
aur tyauhār kī rañgīn ḳhushī ke lamhe

rañj had se guzar ke ḳhushī ban gayā
ho ga.e paar ham Duub jaane ke ba.ad

zindagānī meñ hai ḳhushī tum se
zindagī zindagī banī tum se

us se milne pe ḳhushī kaise chhupā.ī jaa.e
kyā batā.eñge vo jab vaj.h-e-tarab pūchhegā

sab iḳhtiyār merā tuj haat hai pyārā
jis haal suuñ rakhegā hai o ḳhushī hamārā

ġham-o-alam se jo ta.abīr kī ḳhushī maiñ ne
bahut qarīb se dekhī hai zindagī maiñ ne

kuchh ḳhushī ke aañsū bhī ashk-e-ġham ke saath aa.e
apne jaise logoñ se jab ġhazal sunī apnī

mire makāñ ke añdheroñ ko kaun samjhā.e
ḳhushī milī jo havā ko diyā bujhāne meñ

ḳhushī meñ apne qadam chuum luuñ to zebā hai
vo laġhzishoñ pe mirī muskurā.e haiñ kyā kyā

dil ḳhushī se jhūmtā hai jab sar-e-dīvār-e-yār
nīm-vā dar se guzar kar sard ban jaatī hai dhuup

rasm-e-duniyā ajiib hai yaaro
ġham hī ġham hai yahāñ ḳhushī kaisī

kahte haiñ anjām us kā maut hai
jis qadar ġham ho ḳhushī kī baat hai

sab kā ḳhushī se fāsla ek qadam hai
har ghar meñ bas ek hī kamra kam hai

kahīñ fasāna-e-ġham hai kahīñ ḳhushī kī pukār
sunegā aaj yahāñ kaun zindagī kī pukār

nafrat hai ye ḳhushī se ki ashk ...apne gir paḌe
ham-rāh ta.aziya ke bhī baajā agar bajā

haiñ ham to shādmāñ ki hai ḳhat meñ payām-e-vasl
baġhleñ ḳhushī se tū bhī to ai nāma-bar bajā

hai un kī yahī ḳhushī ki ham ġham meñ raheñ
har vaqt sadā-e-arham-arham meñ raheñ

sunte haiñ ḳhushī bhī hai zamāne meñ koī chiiz
ham DhūñDte phirte haiñ kidhar hai ye kahāñ hai

kabhī rote rote hañsā diyā kabhī hañste hañste rulā diyā
tirī yaad hī se hai har ḳhushī tire zikr hī se malāl hai