Tags-Khwab

ḳhvāb kī bālkanī
bālkanī par ye saraktī huī parchhā.īñ mirii...

jaag uTTheñgī purānī yādeñ
tū magar ḳhvāb-e-girāñ chāhegā

āñsuoñ kī chādar ne Dhak diyā hameñ varna
maañg bhī sajā.ī thī ḳhvāb bhī sajā.e the

'nayyar' ġhamoñ kī tez havāoñ ke sāmne
kab tak ḳhayāl-o-ḳhvāb kī sham.a jalā.egā

ye ḳhvāb-e-sub.h kyā karte tamannā kī hinā-bandī
agar tārīḳh ne apne ko dohrāyā nahīñ hotā

ye āñkheñ ye dimāġh ye zaḳhmoñ kā ghar badan
sab mahv-e-ḳhvāb haiñ dil-e-be-tāb ke sivā

pheñkā thā kis ne sañg-e-havas raat ḳhvāb meñ
phir DhūñDhtī hai niiñd usī pichhle pahr ko

ḳhvāb se ḳhvāb meñ ik umr giraftār rahā
ab khalā ḳhvāb ba-juz vahm-o-gumāñ kuchh bhī nahīñ

aur kuchh der meñ mujh ko chale jaanā hogā
aur kuchh der mujhe ḳhvāb dikhā dard na chun

jaag ai sham-e-shabistān-e-visāl
mahfil-e-ḳhvāb ke is farsh-e-tarab-nāk se jaag!

kabhī ik ḳhvāb dekhā thā mire pahlū meñ tum hogī
kahānī pyaar kī āñkhoñ hī āñkhoñ meñ bayāñ hogī

abhī do mahīne se huuñ judā na to ḳhvāb meñ bhī nazar paḌā
bhalā aur andher ziyāda kyā kahīñ hogā aise andher se

khaḌī hai shaam ki ḳhvāb-e-safar rukā huā hai
yaqīn kyuuñ nahīñ aatā agar rukā huā hai

andeshe andāze ban kar mere safar ke ḳhvāb bane
har bastī meñ aa kar sochā shāyad aage bastī hai

zehn meñ ḳhvāb ke mahal kī tarah
ḳhud hī bantā huuñ TuuT jaatā huuñ

vo ḳhvāb hī sahī pesh-e-nazar to ab bhī hai
bichhaḌne vaalā sharīk-e-safar to ab bhī hai

āñkhoñ ke sāmne haiñ manāzir ajiib se
ye jāgnā bhī ḳhvāb-e-pareshāñ se kam nahīñ

kalkatte ne nābūd kiyā ḳhvāb-e-ḳhushī ko
pal-bhar mujhe is shahr meñ rāhat nahīñ aatī

koī an-dekhī fazā tasvīr karnā chāhiye
ḳhvāb kī buniyād par tāmīr karnā chāhiye

ḳhvāb hī dekhā hai lekin haa.e kis lazzat kā ḳhvāb
vo mire ghar terā aanā aur bahlānā mujhe