Tags-Khwab

sañg kyā hai bas sarāpā intizār-e-but-tarāsh
zindagī kā ḳhvāb logo yuuñ bhī dekhā jaa.e hai

chāñdnī saa.e raqs tāj-mahal
ḳhvāb āñkhoñ meñ rome bhartā huuñ

jaane kis duniyā meñ sotī jāgtī haiñ
jin āñkhoñ se ḳhvāb hamārā aatā hai

magar tum ye na kar paa.e
mirā virsa na mujh se chhīn paa.e aur vo pahlā shaḳhs jis ne sab se pahlā ḳhvāb dekhā thā

jab aañkh khulī to ham nahīñ the
jaage haiñ ki ḳhvāb ho ga.e ham

bachpan ke haiñ ḳhvāb suhāne titlī phuul aur maiñ
kahāñ se laa.eñ ab vo zamāne titlī phuul aur maiñ

sarāb-e-shab bhī hai ḳhvāb-e-shikasta-pā bhī hai
ki niiñd māñgte rahne kī kuchh sazā bhī hai

ḳhushī terā muqaddar hogī 'aḳhtar'
ye imkāñ ab ḳhayāl-o-ḳhvāb se haiñ

tum ne samundar ke kināre bistaraoñ kā ḳhvāb dekhā
aur apne faisle meñ zāhir ho ga.iiñ

tirī tasvīr uThā.ī huī hai
raushnī ḳhvāb meñ aa.ī huī hai

tumhāre ḳhvāb lauTāne pe sharminda to haiñ lekin
kahāñ tak itne ḳhvāboñ kī nigahbānī kareñge ham

jaane kis ke dhyān meñ Duubā thā ḳhvāb
niiñd ne kañgan to khankā.e bahut

niiñd meñ titliyāñ āñkhoñ meñ lahaktī jaa.eñ
ḳhvāb dekheñ magar us ḳhvāb kī ta.abīr na ho

ḳhayāl-o-ḳhvāb-o-aqā.ed kī sehar-kārī tak
ghuTe ghuTe se shab-o-roz the bujhī sī fazā

kabhī maiñ ḳhvāb meñ dekhūñ harī bharī fasleñ
kabhī ḳhayāl ke dariyā ke paar jā.ūñ maiñ

jo ḳhvāb mere nahīñ the maiñ un ko dekhtā thā
isī liye aañkh khul ga.ī thī isī liye dil dukhā huā thā

shahr meñ ḳhvāb kā rivāj nahīñ
niind kī sāz-bāz sab se hai

purānī naav ke taḳhte pe dil banāte hue
maiñ ro paḌūñ na koī ḳhvāb gungunāte hue

aa hī ga.e haiñ ḳhvāb to phir jā.eñge kahāñ
ā.ankhoñ se aage un kī koī rahguzar nahīñ

niklī na kisī ek kī ta.abīr muāfiq
sau ḳhvāb the har ḳhvāb-e-pareshān se aage