English
Favourite
Favourite
UrduShayarUrduShayar
Expand menu
Sign inAccount

Tags-Khwab

sub.h ho jā.egī haath aa na sakegā mahtāb
aap agar ḳhvāb meñ chalte haiñ to chalte rahiye
Ghazal
 shama ki tarah shab-e-gham mein pighalte rahiye
jab se huī hai aañkh shab-e-ġham se āshnā
nā-āshnā haiñ lazzat-e-ḳhvāb-e-sahar se ham
Ghazal
 ai kahkashan guzar ke teri rahguzar se hum
āhista boliyegā tamāshā khaḌā na ho
bairūn-e-ḳhvāb koī hameñ sun rahā na ho
Ghazal
 aahista boliyega tamasha khaDa na ho
niiñd TuuTī to samundar na jazīra dekhā
raat bhī maiñ ne vahī ḳhvāb-e-shikasta dekhā
Ghazal
 nind TuTi to samundar na jazira dekha
shaam hote hī bujh gayā 'ājiz'
ek muflis kā ḳhvāb thā na rahā
Sher
 sham hote hi bujh gaya aajiz
palaT na jaa.eñ hamesha ko tere āñgan se
gudāz lamhoñ kī be-ḳhvāb āhaToñ se na ruuTh
Ghazal
 gae dinon ke daraKHshanda rabton se na ruTh
koī charāġh na jugnū na aa.ina na kitāb
ye kaisā ḳhvāb mirī aañkh par utārā hai
Ghazal
 ye kis ne dasht-e-bala se mujhe pukara hai
zindagī ko ek ḳhvāb-e-rā.egāñ samjhā thā maiñ
be-karāñ ta.abīr hogī ye kahāñ samjhā thā maiñ
Ghazal
 zindagi ko ek KHwab-e-raegan samjha tha main
ḳhvāb dekhe the TuuT kar maiñ ne
TuuT kar ḳhvāb dekhte haiñ mujhe
Sher
 KHwab dekhe the TuT kar maine
āb-dar-āb mire saath safar karte haiñ
tishna-lab ḳhvāb mire saath safar karte haiñ
Ghazal
 aab-dar-ab mere sath safar karte hain
jānte haiñ ki mujhe niiñd nahīñ aatī hai
phir bhī kuchh ḳhvāb mire saath safar karte haiñ
Ghazal
 aab-dar-ab mere sath safar karte hain
ġhaflat hī meñ kaTte haiñ shab-o-roz hamāre
har aan kisī dhyān kisī ḳhvāb meñ rahnā
Ghazal
 aansu ki tarah dida-e-pur-ab mein rahna
paḌh rahī haiñ raat kī ḳhāmoshiyāñ afsūn-e-ḳhvāb
tham gayā hai ik piano bajte bajte baam par
Qita
 paDh rahi hain raat ki KHamoshiyan afsun-e-KHwab
zer-e-masjid mai-kada maiñ mai-kade meñ mast-e-ḳhvāb
chauñk uThā jab dī mo.azzin ne azaañ bālā-e-sar
Ghazal
 gumbad-e-madfan hai ya hai aasman baala-e-sar
vo bāġh-o-rāġh ke dil-chasp-o-dil-nashīñ manzar
ki jin ke hote hue ḳhuld misl-e-ḳhvāb nahīñ
Ghazal
 bujha sa rahta hai dil jab se hain watan se juda
ba-rañg-e-zulf pareshāñ vo mauj-hā-e-ravāñ
ki jin kī yaad meñ rātoñ ko fikr-e-ḳhvāb nahīñ
Ghazal
 bujha sa rahta hai dil jab se hain watan se juda
vatan kā chheḌ diyā kis ne tazkira 'aḳhtar'
ki chashm-e-shauq ko phir ārzū-e-ḳhvāb nahīñ
Ghazal
 bujha sa rahta hai dil jab se hain watan se juda
gar tū aatā nahīñ hai ālam-e-bedārī meñ
ḳhvāb meñ tū kabhī ai rāhat-e-jāñ aayā kar
Ghazal
 is qadar bhi to meri jaan na tarsaya kar
ḳhvāb TuuTe paḌe haiñ sab mere
maiñ huuñ aur hairatoñ kā sāmāñ hai
Sher
 KHwab TuTe paDe hain sab mere
kyā kahūñ tujh se ab ke maiñ tujh ko
kis tarah dekhtā huuñ ḳhvāb ke biich
Ghazal
 dekh kar dil ko pech-o-tab ke bich
Top Urdushayar.com