Tags-Khwab

dekhe hue se ḳhvāb haiñ chauñkeñ bhī kis liye
kuchh muskurā to lete haiñ ham hādsāt par

ḳhumār-e-ḳhvāb-e-sahar ye dil aur terī yādeñ
havā dabe paañv ābgīne pe chal rahī hai

na ye lāla-zār apne na ye rahguzār apnī
vahī ghar zamīñ ke nīche vahī ḳhvāb āsmāñ ke

maiñ ne palkoñ ko chamakte hue dekhā hai abhī
aaj āñkhoñ meñ koī ḳhvāb tumhārā hogā

zid-e-malāl-o-masarrat meñ umr biit ga.ī
ye dev soyā na vo ḳhvāb kī parī jaagī

ye pur-pech galiyāñ ye be-ḳhvāb bāzār
ye gumnām raahī ye sikkoñ kī jhankār

ye koī ḳhvāb karvaT le rahā hai
ki maiñ be-dār hotī jā rahī huuñ

bahāroñ sitāroñ kā vo ḳhvāb lekin
nirālī hī ta.abīr meñ Dhal rahā hai

ḳhvāb meñ bhī ab nahīñ 'shā.ir' vo garmi-e-kalām
sham.a sī ik rah ga.ī hai jhilmilāne ke liye

hamāre sāmne vo haiñ kahīñ ye ḳhvāb na ho
ab apnī āñkhoñ pe bhī ham ko e.atibār nahīñ

yuuñ shab-e-vasl kā hai aalam yaad
jaise barsoñ kī yaad ḳhvāb rahe

muntazir huuñ kisī ke aane kā
kis kī āñkhoñ meñ aa ke ḳhvāb rahe

ek mub.ham ḳhvāb thā āñkhoñ meñ aur dil meñ junūñ
zehn meñ lekin imārat kā koī naqsha na thā

kis e.atibār meñ nafas-e-chand ai 'nasīm'
shab har ke vāste ye tamāshe haiñ ḳhvāb ke

dekheñ to kaun jaatā hai mahmil meñ ḳhvāb ke
ta.abīr ke ġhazāl ko dauḌānā chāhiye

kis kī yaad kī ḳhushbū se maiñ din-bhar mahkā rahtā huuñ
kis ke ḳhvāb sañvar kar merī āñkhoñ meñ aa jaate haiñ

hai abhī tābīr kī rañgat vahī
sūrateñ haiñ ḳhvāb kī badlī huī

in rātoñ se apnā rishta jaane kaisā rishta hai
nīndeñ kamroñ meñ jaagī haiñ ḳhvāb chhatoñ par bikhre haiñ

jo log aaj zīnat-e-ḳhvāb-o-ḳhayāl haiñ
rahte the saath saath mire roz-o-shab kabhī

shaam rakhtī hai bahut dard se betāb mujhe
le ke chhup jā kahīñ ai ārzū-e-ḳhvāb mujhe