Tags-Khwab

sharāb kā shaġhl ho rahā hai baġhal meñ paatā huuñ maiñ kisī ko
maiñ jāgtā huuñ ki so rahā huuñ ḳhayāl meñ huuñ ki ḳhvāb meñ huuñ

karūñ zikr kyā maiñ shabāb kā sune kaun qissa ye ḳhvāb kā
ye vo raat thī ki guzar ga.ī ye vo nashsha thā ki utar gayā

merī āñkheñ ḳhvāb tire hī dekheñgī
in meñ begāne ḳhvāboñ kī bandish hai

isī liye to mujhe tū dikhā.ī detā nahīñ
maiñ tere ḳhvāb se sote hue guzartā huuñ

ai ḳhudā ai lam-yazal
har nazar meñ ḳhvāb rakh

dukh judā.ī ke ḳhvāb ho jaa.eñ
dard saare gulāb ho jaa.eñ

vo niiñd milī hai ki jo puurī nahīñ hotī
vo ḳhvāb milā hai ki jo ma.azūr huā hai

dekhīñ haiñ jab bhī gul ke qarīñ chand titliyāñ
kitne ḳhayāl-o-ḳhvāb baham yaad aa ga.e

ab to aatā nahīñ 'amabar' vo kabhī sapne meñ
ab kisī ḳhvāb kī ta.abīr nahīñ chāhtī maiñ

har taraf phuul haqīqat ke khile haiñ lekin
aañkh meñ ḳhvāb-e-haqīqat ke sivā kuchh bhī nahīñ

tujh ko paiham sochne vaalā
ḳhvāb ko haath lagā saktā hai

ḳhvāb meñ yārān-e-rafta se mulāqāteñ huiiñ
ham ne samjhā ḳhizr ġhaflat ko rah-e-ahbāb kā

hijr-e-jānāñ ke alam meñ ham farishte ban ga.e
dhyān muddat se chhuTā āb-o-ta.ām-o-ḳhvāb kā

terī furqat meñ jo aa.e bhuul kar āñkhoñ meñ niiñd
mardumān-e-chashm ne phir muñh na dekhā ḳhvāb kā

maiñ ne dekhī nahīñ
ḳhvāb buntī huī uñgliyāñ

ḳhvāb meñ hī jab milnā hai to
āñkheñ kyuuñ khulvātā hai tū

āñkhoñ se ik ḳhvāb guzarne vaalā hai
khiḌkī se mahtāb guzarne vaalā hai

sadiyoñ ke in ḳhvāb-gazīda shahroñ se
mahr-e-ālam-tāb guzarne vaalā hai

hastī 'amjad' dīvāne kā ḳhvāb sahī
ab to ye bhī ḳhvāb guzarne vaalā hai

kahte ho ki ḳhvāhish kā samar tursh hai 'shāhid'
āñkhoñ ko ġhalat ḳhvāb kī ta.abīr dikhā kar