Tags-Khwab

tirī thakī huī ā.ankhoñ meñ ḳhvāb thā ki nahīñ
mire savāl kā koī javāb thā ki nahīñ

kuTiyā le kar kitne ḳhvāb
Duubī thī barsātoñ meñ

ḳhvāb aur ḳhushbū ko chāhatoñ ke jaadū ko
qaid kar ke dikhlā.eñ pāsbāniyāñ saarī

kabhī tū bhī to mere ḳhvāb meñ aa
maiñ terī yaad jaanī kar rahā huuñ

jitnī ham chāhte the utnī mohabbat nahīñ dī
ḳhvāb to de diye us ne hameñ mohlat nahīñ dī

niiñd āñkhoñ meñ jo aatī to jagāne lagte
ḳhvāb bachchoñ kī tarah shor machāne lagte

use pasand nahīñ ḳhvāb kā havāla bhī
to ham bhī aañkh pe nīndeñ harām karte haiñ

haañ vo maiñ hī thā ki jis ne ḳhvāb Dhoyā sub.h tak
kaun thā vo jo mire bistar pe soyā sub.h tak

latīf thā vo taḳhayyul se ḳhvāb se nāzuk
gañvā diyā use ham ne hī āzmāne meñ

ḳhvāb ke badle ḳhuun chukānā paḌtā hai
āñkhoñ ke ye khel baḌe ḳharchīle haiñ

ik ḳhvāb chhan se TuuT ke āñkhoñ meñ gaḌ gayā
itnā hañse ki chīḳh ke ronā bhī paḌ gayā

nigāh-e-shab tire āñgan meñ ḳhvāb DhūñDhe thī
ye ab ke zaḳhm bhī kaisā diyā nayā tū ne

be-naqāb dekhā thā ḳhvāb meñ unheñ ik shab
aaj tak nigāhoñ meñ ai 'ziyā' charāġhāñ hai

jhāñk sakte ho agar niiñd kī vaadī se pare
dekh sakte ho mujhe ḳhvāb-o-ḳhayālāt samet

maiñ apne ḳhvāb tarāshūñ inheñ bikherūñ bhī
mirī sarisht se ye āzarī na jā.egī

visāl-o-hijr kī sab tohmateñ usī tak thiiñ
ab aise ḳhvāb bhī kab dekhne meñ aate haiñ

shikast-e-jāñ ko abhī e'tibār-e-jāñ hai bahut
sarāb-e-dasht meñ dariyā ke ḳhvāb aate haiñ

'shāz' idhar ḳhvāb ke dariyā pe milegā koī
ek parchhā.īñ sar-e-āb sunā Thahregī

par nikalte hī ik uḌaan bharī
aur phir ḳhvāb ho gayā panchhī

ḳhvāb aur tābīr haiñ do intihāoñ par hameñ ye ilm thā
ham jiye jaate the phir bhī apne kyā faulād ke āsāb the