Tags-Lab

lab-kushā hoñ yā ki chup hoñ dekh kar us kī taraf
hai 'fahīm' apne qabīle kā samajhtā hai ziyāñ

dil par biite lab pe na aa.e
haa.e mohabbat kā dastūr

ik baat kahte kahte lab ḳhushk ho chale the
āñkhoñ se ek naddī chup-chāp bah chalī thī

ham un laboñ se lagā kar raheñge lab apne
suḳhan tamām usī anjuman se aate haiñ

ab ibādat meñ bhī aa jaate ho lab par mere
itnā paḌhtā huuñ tumheñ hijr ke lamhoñ meñ ki bas

tā-kujā āh-e-zer-e-lab āḳhir
intihā-e-sukūt barham kyā

mire dil meñ terī hī yaad hai tū basā huā hai ḳhayāl meñ
hai zabāñ pe terī hī guftugū mire lab pe terā hī naam hai

mujhe vaa.iz apnī lagī hai dhun koī phuul ātish-e-tar kā chun
mire dard-e-dil kī hadīs sun kabhī chheḌ kar lab-e-jām se

havā-e-dasht jo dīvāna-vār guzrī hai
na jaane aaj lab-e-jūebār kyā hogā

rah-e-talab kī saḳhtiyoñ ke shikve lab-ba-lab hue
surūr-e-jidd-o-jahd ko ḳhumār kar liyā gayā

phir tire reshmī lab mujh ko manāne aa.e
pyaas janmoñ kī phir ik baar bujhāne aa.e

rah-rav-e-tishna-lab na ghabrānā
ab liyā chashma-e-baqā tū ne

zulm sahte rahe shukr karte rahe aa.ī lab tak na ye dāstāñ aaj tak
mujh ko hairat rahī anjuman meñ tirī kyuuñ haiñ ḳhāmosh ahl-e-zabāñ aaj tak

chehre pe chamak āñkhoñ meñ hayā lab garm ḳhunuk chhab narm navā
jinheñ itne sukūn meñ dekhā thā vahī aaj mile ghabrā.e hue

jis meñ shahd-lab hogā kal baḌā adab hogā
aaj nā-munāsib hai zikr māh-pāroñ kā

vaqt kī baat hai ab us ke taraste haiñ lab
''jitnī ham chhoḌ diyā karte the paimāne meñ''

koThe pe chaliye lutf-e-shab-e-māh dekhiye
sab chāñdnī kā farsh lab-e-bām ho chukā

ye sharāb zer-e-hasīñ-ghaTā jo hai 'kaif' nāzish-e-mai-kada
kisī tishna-kām kī aarzū kisī tishna-lab kī duā na ho

nā-rasā.ī mirā muqaddar hai
zer-e-lab ik bayān-e-hasrat huuñ