Tags-Lab

sukūt-e-shab meñ fazā bhī juzv-e-sukūt-e-shab ho ga.ī hai 'fitrat'
mah-e-daraḳhshāñ faqat ġhazal merī zer-e-lab gungunā rahā hai

vo ḳhanda-ba-lab zikr-e-gulistāñ pe ye bole
ġhunchoñ ko tabassum kī adā ham se milī hai

ai nosh-e-lab-o-māh-ruḳh-o-zohra-jabīñ
aa.ina hī tire ruḳh pe hairān nahīñ

kuchh samajh paayā na lekin
shukr hai vo lab hile to

lāl-e-lab kā tire bosa to maiñ letā huuñ magar
Dar ye hai ḳhūn-e-jigar baad meñ piinā hogā

jo tumhāre lab-e-jāñ-baḳhsh kā shaidā hogā
uTh bhī jā.egā jahāñ se to masīhā hogā

is javāhar-posh ke dekhe haiñ vo yāqūt-e-lab
jis kī rañgīnī ke aage la.al bhī ik sañg hai

haq chup hī rahe lab na khuleñ sar na uThā.e
is vāste be-maut bhī marvā.e ga.e log

jab sab ke lab sil jā.eñge hāthoñ se qalam chhin jā.eñge
bātil se lohā lene kā elaan kareñgī zanjīreñ

lab-kushā yuuñ huā koī ġhuncha
jaise ik ābshār dekh liyā

āḳhir aa hī ga.ī fuġhāñ lab par
zabt-e-rāz-e-ġham-e-nihāñ aur maiñ

na aa.e vo lab-e-iz.hār tak kabhī 'fārūq'
ki jazbe dil meñ to aksar machalte rahte haiñ

tujh se aur gul se huī bahs-e-jamāl ai ġhuncha-lab
mujh se bulbul se huī takrār qaisar-bāġh meñ

kiyā hai jumbish-e-lab ne mujhe behāl kuchh aisā
maiñ yuuñ to saañs letā huuñ magar āhista āhista

lab par ugā.ūñ us ke dhanak phuul qahqahe
ā.ankhoñ meñ us kī phailā samundar sameT luuñ

dhuāñ nikālūñ maiñ huqqe kā ḳhūn-e-jām piyūñ
tire haiñ lab se donoñ mere rū-ba-rū gustāḳh

phir majma-e-aġhyār tah-e-bām khaḌā hai
us shoḳh se kah do ki lab-e-bām na aa.e

afsāna mirā zeb-e-lab-e-bulbul-o-gul hai
Dartā huuñ kahīñ aap pe ilzām na aa.e

ruuh ko bhī bosa-e-lab kī hai chaaT
mar ga.e lekin marā jaatā nahīñ

bosa-e-lab ġhair ko dete ho tum
muñh mirā mīThā kiyā jaatā nahīñ