Tags-Manzil

manzil se ham-kanār kare kārvāñ ko jo
aisā koī jahān meñ rahbar talāsh kar

baiThā huuñ paañv toḌ ke tadbīr dekhnā
manzil qadam se lipTī hai taqdīr dekhnā

qāfila aa kar sar-e-manzil bhī ho jaatā hai gum
rāhzan ko jab kabhī rahbar banā lete haiñ ham

fikr-e-manzil hai na nām-e-rahnumā lete haiñ ham
apnā zauq-e-rah-ravī ḳhud aazmā lete haiñ ham

jaane kis kī kaun hai manzil phir bhī haiñ ik saath
ghuum rahe haiñ tīnoñ ban ban chāñd havā aur maiñ

ḳhud tujhe aa jā.egā āshiq-navāzī kā ḳhayāl
terā rahrav kyuuñ ḳhayāl-e-dūrī-e-manzil meñ hai

shāyad kisī manzil se koī qāfila aa.e
āshufta-saro sub.h talak yūñhī pukāro

ye ālam-e-vahshat hai to kuchh ho hī rahegā
manzil na sahī sar kisī dīvār se maaro

paspā.ī nahīñ hai to hai pachhtāvā yaqīnan
ham log jo manzil se bhī aage guzar aa.e

jī chāhtā hai kah duuñ zamīn o zamāñ se maiñ
manzil agar nahīñ hai to gardish fuzūl hai

raat bhī ab jā rahī hai apnī manzil kī taraf
kis kī dhun meñ jāgtā hai ghar kā darvāza lagā

ḳhastagī ne kar diyā us ko rag-e-jāñ se qarīb
justujū zālim kahe jaatī thī manzil duur hai

tū mard-e-momin hai apnī manzil ko āsmānoñ pe dekh nādāñ
ki rāh-e-zulmat meñ saath degā koī charāġh-e-alīl kab tak

koī ābād manzil ham jo vīrāñ dekh lete haiñ
ba-hasrat sū-e-charḳh-e-fitna-sāmāñ dekh lete haiñ

vo kaam merā nahīñ jis kā nek ho anjām
vo raah merī nahīñ jo ga.ī ho manzil ko

chhoḌtā huuñ haath apnā shāhrāh-e-shauq par
manzil-e-maqsūd par phir ḳhud ko mil jaatā huuñ maiñ

jalne vaalo tā-ba-imkāñ zabt soz-e-ġham karo
aag jab bhaḌke charāġh-e-sarhad-e-manzil bano

intihā-e-ishq ho yuuñ ishq meñ kāmil bano
ḳhaak ho kar bhī nishān-e-sarhad-e-manzil bano

manzil-e-ishq meñ ham ko koī aisā na milā
jis kī manzil ho tirī rāhguzar se aage

koī madad ko na aa.egā aisī manzil hai
panāh jaañ ko milegī agar hai rahbar vo