Tags-Manzil

yahīñ pe manzil kareñge raahī yahīñ pe sab qāfile rukeñge
Thahar zarā shauq-e-sabr dushman ye dard be-iḳhtiyār kyā hai

merī himmat ne apnī manzil kā
fāsla rahguzar meñ rakkhā hai

kī us ne hai āsān dam-e-teġh se varna
manzil ye 'shu.ūr' apne liye saḳht kaḌī thī

manzil kī jinheñ dhun thī unheñ mil ga.ī manzil
jo baiTh rahe gard-e-safar dekh rahe haiñ

ye zarre jin ko ham ḳhāk-e-rah-e-manzil samajhte haiñ
zabān-e-hāl rakhte haiñ zabān-e-dil samajhte haiñ

haqīqat meñ jo rāz-e-dūri-e-manzil samajhte haiñ
unhīñ ko ham sulūk-e-ishq meñ kāmil samajhte haiñ

jise sab log husn o ishq kī manzil samajhte haiñ
buland us se bhī ham apnā maqām-e-dil samajhte haiñ

ham apnī zindagānī kī taġhayyur-ḳhez rāhoñ ko
kabhī jaada samajhte haiñ kabhī manzil samajhte haiñ

dosto raah meñ manzil ke nishāñ bhī dekho
chalte chalte na phir āġhāz-e-safar aa jaa.e

har ek gaam pe āsūdgī khaḌī hogī
safar kī āḳhirī manzil bahut kaḌī hogī

kahāñ thī manzil-e-maqsūd apnī qismat meñ
kisī kī rāhguzar bhī milī hai mushkil se

chhupī jaatī hai manzil hī ġhubār-e-rāh-e-manzil meñ
mirī qismat sharīk-e-kārvāñ ma.alūm hotī hai

fareb-e-shauq meñ manzil jinheñ āñkheñ samajhtī thiiñ
vahī ab āh-e-gard-e-kārvāñ ma.alūm hotī hai

maqām-e-qurb-e-ḳhudā thā mushkil magar na thī un ko fikr-e-manzil
mile jinheñ 'nūh' se payambar idhar se jaate udhar se aate

talāsh-e-manzil burī balā thī na thī jo qahr-o-ġhazab to kyā thī
jagah jagah ham ne khaa.ī Thokar idhar se jaate udhar se aate

vo ishq-e-sādiq kī paak manzil vo ka.aba-o-dair ke marāhil
mile the raste meñ ham ko do ghar idhar se jaate udhar se aate

na sañg-e-mīl na naqsh-e-qadam na bāñg-e-jaras
bhaTak na jaa.eñ musāfir adam kī manzil ke

juz gard-e-ḳhamoshī nahīñ 'shohrat' yahāñ kuchh bhī
kis manzil-e-ābād meñ pahuñchā liyā dil ko

thī ḳhizr-e-tarīq uftād yahāñ aur sañg-e-havādis sañg-e-nishāñ
had rāh-e-talab kī aa ga.ī haañ jaatā hai kahāñ manzil hī to hai

shab-e-visāl bhī manzil hai mere zauq-e-safar
mujhe visāl se aage kī intihā.ī de