Tags-Manzil

mar jā.ūñ jo maiñ vādī-e-ulfat meñ ajab kyā
maqsad hai mirā saḳht to manzil bhī kaḌī hai

qayāmat tak na vo ai 'mashriqī' manzil pe pahuñcheñge
ḳhayālī ghoḌe jo maidān meñ dauḌāne vaale haiñ

basar jitnī huī bekār o be-manzil zamāne meñ
mujhe is zindagānī par pashemānī bahut hai

dil-e-shikasta ke hausloñ ne har ek manzil ko sar kiyā hai
tumhāre dar tak bhī aan pahuñche par is se aage bhī rāsta hai

ho ga.e haiñ kitne manzil-āshnā
kitne rah-rau rahguzāroñ meñ rahe

rahbar ne is tarah se diyā hai mujhe fareb
manzil se haT ke rasta dikhāyā gayā mujhe

manzil se palaT aa.e haiñ ham ahl-e-mohabbat
jo sañg-e-hidāyat the vo raste meñ khaḌe haiñ

manzil-e-ḳhāk pe jaanā hai isī shart ke saath
ye safar be-sar-o-sāmān kiyā jā.egā

laakh hoñ phailī huī manzil-ba-manzil zulmateñ
saath apne mash.al-e-husn-e-butāñ rakhte haiñ ham

manzil pe jab girā thā thak kar to maiñ ne dekhā
qissa mirā zabān-e-ālam pe chal rahā thā

nahīñ afsūñ hī ko afsāne kī manzil ma.alūm
ġhalat āġhāz kā hotā hī hai anjām ġhalat

mujh se nahīñ use mire fardā se hai umiid
manzil se koī aur faqat rāsta huuñ maiñ

baġhair manzil-e-avval qayām ho na sakā
jab aayā coach kā din phir maqām ho na sakā

in fazāoñ meñ magar merā guzar mumkin nahīñ
merī manzil aur hai merā muqaddar aur hai

qadam qadam pe hamārī hī āzmā.ish hai
agar tumheñ kisī manzil pe āzmāyā to

hayāt rāh-e-aziyyat hai apnī manzil meñ
magar ye rāh-e-aziyyat tamām hone tak

manzil gum-shuda surāġh tirā
paañv ke ik nishān se niklā

hamārī justujū se dūr-tar hai manzil-e-ma.anī
usī ko kho.e rakhnā hai jise ham paa.e rakhte haiñ

hasrat-āgīñ to hai nākāmī-e-manzil lekin
lutf to jab hai ki ḳhud apnā patā bhī na mile

ik aatī hai manzil ki har husn vaalā
tamannā.iyoñ kī tamannā kare hai