Tags-Manzil

manzil-e-shauq meñ ik ik ko diyā izn-e-safar
koī bhī to na milā jāda-shumāroñ ke sivā

manzil kī samt tujh ko na le jā.eñge kabhī
vo rāste jo aap hī hamvār ho ga.e

ham log ki manzil ke bhulāve ke giraftār
āsār se pīchhe kabhī āsār se aage

maiñ ne anjām se pahle na palaT kar dekhā
duur tak saath mire manzil-e-āġhāz ga.ī

merī manzil na terā ghar aayā
mere hisse meñ bas safar aayā

ek muddat ho ga.ī aa.ī na manzil aaj tak
ye karishma bhī mire yaaro mire rahbar kā hai

merī āh-e-nīm-shab manzil-numā-e-shauq hai
nāla-e-dil ko rahīl-e-kārvāñ hone to do

tauhīn-talab tauhīn-e-junūñ tauhīn urūj-e-manzil hai
maiñ jis pe pahuñch jā.ūñ hamdam ho saktī hai merī manzil kyā

ye barq-o-sharar ye shams-o-qamar dete haiñ nishān-e-manzil kyā
ai dost hameñ ho saktā hai andāza-e-rañg-e-mahfil kyā

jahāñ meñ manzil-e-maqsūd DhūñDne vaale
ye kā.enāt kī tasvīr hī ḳhayālī hai

miltā hai jin se rāh-navardoñ ko hausla
mere liye vo log bhī manzil se kam nahīñ

baḌh rahā hai dam-ba-dam sub.h-e-haqīqat kā yaqīñ
har nafas par ye gumāñ hotā hai manzil aa ga.ī

har qadam par ham samajhte the ki manzil aa ga.ī
har qadam par ik na.ī darpesh mushkil aa ga.ī

naqsh manzil hai zarre zarre meñ
rah-navardān-e-āgahī ke liye

manzil-e-ma.ashūq tak pahuñchā salāmat kab koī
rahzanoñ se kārvāñ kā kārvāñ maarā gayā

ye shirk afyūn ban ke ḳhuuñ meñ ghulā huā hai
hujūm-e-manzil meñ ab safar kī shanāḳht

ham ko manzil kī hai talāsh bahut
go nahīñ us kā rāstā ma.alūm

sāmne jab koī manzil hī nahīñ
rāsta roz badalnā hogā

kyā pūchhte ho aise musāfir kī sarguzisht
jis ko ki dil bhī chhoḌ ke manzil meñ rah gayā

justujū ne kisī manzil pe Thaharne na diyā
ham bhaTakte rahe āvāra ḳhayāloñ kī tarah