Tags-Mausam

ek hī mausam taarī kyuuñ
dil kī phulvārī meñ thā

dard ke mausam kā kyā hogā asar anjān par
dosto paanī kabhī ruktā nahīñ Dhalvān par

kuchh kāġhaz ke phūloñ par
saare mausam be-ma.anī

nā-shagufta hī rahī dil kī kalī
mausam-e-gul bār-hā aatā rahā

mohabbat niilā mausam ban ke aa jā.egī ik din
gulābī titliyoñ ko phir sahārā kaun degā

aur be-vaqt chalā aatā hai sāvan mujh meñ
ek guzre hue mausam kā taqāzā karne

gudāz jismoñ kī āhaToñ kā tilism TuuTā navāh-e-jāñ meñ
fazā se ab koī haath baḌh kar ujaḌte mausam meñ aag degā

kyā sabab hai ki ek mausam meñ
kuchh ḳhizāñ meñ haiñ kuchh bahār meñ haiñ

tumhārī chāhat ke zaḳhm shāyad mahak rahe haiñ
sunā hai mausam harā-bharā hai to maiñ kahāñ huuñ

dekh phaphūñd lagī dīvāreñ majlis bhī ban saktī haiñ
tūfānī mausam hai 'shafīq' ab aur kahīñ kā rasta naap

kahāñ se lā.eñge aañsū azā-dārī ke mausam meñ
bahut kuchh ro chuke ham to adākārī ke mausam meñ

tulū-e-mehr se TūTegī un kī niiñd nā-mumkin
jo ḳhvābīda rahā karte haiñ bedārī ke mausam meñ

sar-e-barg-e-tamannā marham-e-dīdār kah jaa.eñ
na aa.eñ sāmne mere nigah-dārī ke mausam meñ

ba-juz mere zamāne kī qabā rañgīn kar Daalī
ye kyā tafrīq rakkhī us ne gul-kārī ke mausam meñ

tumhāre ḳhat kabhī paḌhnā kabhī tartīb se rakhnā
ajab mashġhūliyat rahtī hai bekārī ke mausam meñ

utar ā.ūñgā maiñ bhī zīna-e-hastī se yuuñ ik din
ki jaise rañg-e-ruḳh utre hai nādārī ke mausam meñ

taras khāte haiñ kyuuñ ahbāb mere haal par 'aḳhtar'
bahut be-chainiyāñ baḌhtī haiñ ġham-ḳhvārī ke mausam meñ

baat ham donoñ ko ye to sochnī hī chāhiye
pyaar ke mausam meñ kyuuñ takrār kī bāteñ kareñ

vo jin daraḳhtoñ kī chhāñv meñ se musāfiroñ ko uThā diyā thā
unhīñ daraḳhtoñ pe agle mausam jo phal na utre to log samjhe

saath mausam ke havā ko bhī machal jaanā thā
dhuup ko shams kī bāhoñ meñ pighal jaanā thā