Tags-Mausam

ab ke ḳhizāñ aisī Thahrī vo saare zamāne bhuul ga.e
jab mausam-e-gul har phere meñ aa aa ke dobārā guzre thā

ḳhizāñ kā ḳhauf bhī hai mausam-e-bahār bhī hai
kabhī tumhārā kabhī apnā intizār bhī hai

mujhe phūloñ kā mausam
peḌ paude aur parinde aur bachche

mausam-e-gul bahār ke din the
jo tire mere pyaar ke din the

mastiyāñ aur bahār kā mausam
mai kī lazzat gulābī jāḌoñ meñ

kabhī zaḳhmoñ kā bhī ḳhanda-e-gul kā mausam
ham pe khultā rahā ik dard kī tafsīr ke saath

guzar ga.e ka.ī mausam ka.ī ruteñ badlīñ
udaas tum bhī ho yaaro udaas ham bhī haiñ

kahāñ ab vo mausam-e-rañg-o-bū ki ragoñ meñ bol uThe lahū
yūñhī nāgavār chubhan sī hai ki jo shāmil-e-rag-o-pai nahīñ

ye log vo haiñ ki jin ke yādoñ ke canvas par
visāl-e-mausam kī ek mub.ham lakīr bhī to nahīñ banī hai

vo mausam be-ḳhudī ke the jo mausam ham guzār aa.e
ki jab chāhā tumhāre naam se ḳhud ko pukār aa.e

aa hijr ke mausam
bāhoñ meñ

vo gul-badan hai mukammal bahār se baḌh kar
bas us kā zikr hī mausam ko ḳhush-gavār kare

chal basī fasl-e-ḳhizāñ mausam-e-gul aa pahuñchā
le mubārak ho havā bulbul-e-gulzār phirī

vādi-e-gul se mausam kā sautelā-pan
us ke dariyā meñ kyuuñ hai ravānī na.ī

bad-mizājī pe mausam kī hairān huuñ
kyuuñ hai dariyāoñ meñ ye ravānī na.ī

qissa-e-bazm-e-tarab tazkira-e-mausam-e-gul
ḳhuub haiñ yuuñ to magar soḳhta-jāñ ke aage

mausam-e-gul ko koī batlā do
dil bhī khiltā hai phuul khilne se

furqat ke mausam meñ kaise zinda huuñ tum kyā jaano
kaise is dil ko samjhā kar maiñ ne ḳhud ko rokā hai

ḳhatm ho gī ye kaḌī dhuup bhī 'amabar' dekho
ek kohsār ko mausam ne gul-andām kiyā

yahī thā maslahat-andesh mausam kā taqāzā kyā
sadā-e-ḳhāmushī se ik na.ī guftār ho paidā