Tags-Mausam

jism o jaañ sulagte haiñ bārishoñ kā mausam hai
ab to lauT kar aa jā chāhatoñ kā mausam hai

shāḳh-e-ġham pe khil uTThe phuul kuchh umīdoñ ke
'sham.a' qarya-e-dil meñ ḳhvāhishoñ kā mausam hai

thā mire ḳhayāloñ meñ gulshan ik tamannā kā
mujh ko ye gumāñ guzrā ḳhushbuoñ kā mausam hai

biit gayā hai pyaar kā mausam ghar ghar sahrā jaisā hai
dil ke darvāze par ab to ḳhāmoshī kā pahrā hai

zulf-e-mo.ambar us ne jo kholī to yuuñ mahfil saarī mahkī
aave chaman se mausam-e-gul meñ bād-e-sabā kā jaise jhoñkā

is qadar mazbūt mausam par rahī kis kī giraft
maiñ ki mujh se sīna-e-āb-o-havā raushan huā

bhulā.ūñ laakh maiñ aatā hai lekin yaad rah rah kar
vo aanā mausam-e-gul kā vo jaanā merā gulshan se

kaisī shaffāf fazā thī yahāñ avval avval
ek mausam to yahāñ bāl-kushā maiñ hī huā

mausam ne añgḌā.ī lī to muskā.e kuchh phuul magar
man meñ dhuum machā de ab vo rañgoñ kī barsāt kahāñ

mohabbatoñ meñ udaas ho kar rahā na jaa.e
udaas mausam kā tazkira bhī kiyā na jaa.e

mujhe rañgoñ se koī shaġhl nahīñ mujhe ḳhushbū meñ koī daḳhl nahīñ
mire naam kā koī naḳhl nahīñ mire mausam ḳhāk-e-malāl meñ haiñ

mausam ko badaltī huī ik mauj-e-havā thī
māyūs maiñ 'bānī' abhī manzar se nahīñ thā

mausam-e-bahār hai ambarīñ ḳhumār hai
kis kā intizār hai gesuoñ ko kholiye

lutf mausam kā kyā uThāte ham
dil hamesha rahā girānī meñ

yaad kā mausam dhīre dhīre
tan-man meñ ras ghol gayā hai

ek din khā jā.egī mausam kī sañgīnī unheñ
ḳhushbuoñ ko ḳhvāhish-e-sail-e-sabā dene se kyā

hasrat-e-mausam-e-gulāb huuñ maiñ
sach na ho pā.egā vo ḳhvāb huuñ maiñ

pāra-e-abr-e-gurezāñ the ki mausam apne
duur bhī rahte magar paas bhī aate jaate

na jaane kaun se mausam kā hai vo dīvāna
abhī talak unhīñ galiyoñ kī ḳhaak chhāntā hai

na mausamoñ meñ mahak hai na rat-jagoñ meñ asar
tumhāre shahr kā mausam bhī kitnā phīkā hai