Tags-Mausam

kisī tarah bhī na inkār kī hai gunjā.ish
ki hai uruuj pe qaul-o-qarār kā mausam

maiñ ḳhud bhī milne ko bechain huuñ ye jab se sunā
mirī talāsh meñ hai intizār kā mausam

sukūn-e-qalb mayassar ho ḳhvāb puure hoñ
kabhī to aa.e dil-e-be-qarār kā mausam

ye ḳhauf dil meñ ubhartā hai dard kī sūrat
badal na jaa.e kahīñ e'tibār kā mausam

yahāñ kabhī bhī ḳhizāñ kā guzar nahīñ hogā
yahāñ hamesha rahegā bahār kā mausam

ḳhatm gulshan pe nahīñ 'zeb' bahāroñ kī hadeñ
mausam-e-gul meñ bayābān badal jaate haiñ

jazbe kī sab garmī sardī bahte ashkoñ kī barsāt
ham ne saare mausam dekhe ham par guzre sab hālāt

mausam-e-gul nahīñ paiġhām-e-ajal thā sayyād
dekh ḳhālī hai qafas aaj giraftāroñ se

bad-gumānī ke sard mausam meñ
merī guḌiyā ke haath niile hue

mīThe ḳhvāb bhī ham dekheñ gar mausam ho
lambī gahrī mīThī nīndeñ sone kā

rakkhe yūñhī shādāb mujhe kisht-e-ġhazal meñ
mausam tirā miTTī mirī zarḳhez kiye jaa.e

ḳhushī kī rut ho ki ġham kā mausam nazar use DhūñDtī hai har dam
vo bū-e-gul thā ki naġhma-e-jāñ mire to dil meñ utar gayā vo

mujh ko fareb mat de ai mausam-e-bahārāñ
aise ka.ī shagūfe maiñ bhī khilā chukā huuñ

hamārā mai-kada mahfūz hai tāsīr-e-mausam se
yahāñ shīshe bhare jāḌoñ meñ bhī ThanDe nahīñ rahte

girne lage jo suukh ke patte to ye khulā
gulshan the ham jo aap to mausam bhī ham hī the

na lahū kā mausam-e-rañg-rez na dil na maiñ
koī ḳhvāb thā ki bikhar gayā to ḳhabar huī

kaisā lage is paar agar mausam-e-gul meñ
titlī kā badan oḌh ke jugnū nikal aa.e

rahe vahshat-zada ke saath to vahshat milī har dam
vo hī vahshat rahī man meñ sabhī mausam suhānoñ meñ

na jaane kaun sā mausam mujhe harā kar de
numū ke vāste be-tāb huuñ shajar meñ huuñ

ye shahr-e-ishq to 'āfāq' ho nahīñ saktā
ham is ilāqe kā mausam ḳharāb dekhte haiñ