Tags-Mausam

zard mausam meñ bhī ik shāḳh harī rahtī hai
dil ke gulshan meñ koī sabz parī rahtī hai

dil javāñ sapne javāñ mausam javāñ shab bhī javāñ
tujh ko mujh se is samay suune meñ milnā chāhiye

hai bahut andhiyār ab sūraj nikalnā chāhiye
jis tarah se bhī ho ye mausam badalnā chāhiye

dhuñd meñ haath chhoḌne vaale
tujh ko mausam kī bad-duā lag jaa.e

kitne mausam haiñ ki chup-chāp guzar jaate haiñ
tere aane kā dilāsa hai ḳhabar ko tarse

mausam-e-gul meñ rahā zindāñ meñ aur aa.ī na maut
sāmne hotī nahīñ hai aañkh saare shahr se

mausam-e-gul aa.ī niyyat ser dīvānoñ kī ho
meva-e-sahrā.ī par haiñ muñh pasāre shahr se

paañv meñ majnūñ ke to tāqat nahīñ ai kūdko
mausam-e-gul kī huā tum ko ubhāre shahr se

ka.ī mausam rahe haiñ nauha-ḳhvāñ is barf-jānī par
so ab to sard aahoñ par pighalnā siikh leñge ham

pahle-pahal to zabt ke mausam kar jaate haiñ apnā saaya
baad meñ āñkhoñ hī āñkhoñ meñ haal sunānā paḌ jaatā hai

koī mausam bhī sazā-vār-e-mohabbat nahīñ ab
zard pattoñ ko havāoñ se shikāyat nahīñ ab

phuul khilne kā ajab mausam thā
aa.ina dekh rahā thā maiñ bhī

ashk tham jaate haiñ badle hue mausam ke sabab
aur bārish kabhī jazbāt pe ruk jaatī hai

saarā mausam badal chukā thā phuul bhī the aur aag bhī thī
raat ne jab ye svāñg rachāyā chāñd bhī ruup badalne lagā

jab tak hañstā gaatā mausam apnā hai sab apne haiñ
vaqt paḌe to yaad aa jaatī hai masnūī majbūrī

bātoñ ke liye shikva-e-mausam hī bahut hai
kuchh aur kisī se na kahā kar na sunā kar

hazār tarah ke the rañj pichhle mausam meñ
par itnā thā ki koī saath rone vaalā thā

aayā hai chaman meñ mausam-e-gul aa.ī haiñ havā.eñ zindāñ tak
dīvār kī bāteñ ho leñgī is vaqt to dar kī baat karo

shahr vāloñ ko bhī hājat hai anājoñ kī magar
ḳhush-libāsī mausam-e-barsāt par la.anat kare

ab ke mausam meñ ye meyār-e-junūñ Thahrā hai
sar salāmat raheñ dastār na rahne paa.e