Tags-Mausam

ab kahāñ mausam hai vo dār-o-rasan kā dosto
ab kahāñ ushshāq ke shānoñ pe sar kā jāgnā

vo jin daraḳhtoñ kī chhāñv meñ se musāfiroñ ko uThā diyā thā
unhīñ daraḳhtoñ pe agle mausam jo phal na utre to log samjhe

yuuñ hī khapte na jaa.eñ roz-o-shab meñ ham
kabhī to baat be-mausam bhī kī jaa.e

har na.ī rut meñ ham afsurda o dil-gīr rahe
yā to guzre hue mausam kī javānī aa.ī

jaate mausam ne palaT kar bhī na dekhā 'mushtāq'
rah gayā sāġhar-e-gul sabza-e-tar par rakkhā

kab talak dil meñ jagah doge havā ke ḳhauf ko
bādbāñ kholo ki mausam kā ishāra ho chukā

ḳhayāl-o-ḳhvāb ke mausam badalne vaale haiñ
hujūm vahm-o-tasavvur meñ hai gumān-zada

us ke lab-ḳhand meñ Dhal jaa.e ḳhizāñ kā mausam
us ko gulnār kareñ zaḳhm dikhā kar apnā

jab vasl huā us se to sarshār hue haiñ
aur hijr ke mausam ne ri.āyat nahīñ kī hai

mausam-e-dil jo kabhī zard sā hone lag jaa.e
apnā dil ḳhuun karo phuul ugāne lag jaao

sāqiyā mausam-e-gul be-mai-o-mīnā jo mirī
aah kī barq se bādal na jale ḳhushk to ho

ek hī zardī kyuuñ mausam par chhā.ī hai
sātoñ rañg palaT kar kyuuñ nahīñ aate haiñ

mausam aatā hai to kāñToñ hī meñ gul khilte haiñ
dast-e-gul-chīñ meñ agar nazm-e-gulistāñ hai to kyā

fazā kā habs kisī taur ab nahīñ jaatā
ki talḳh dhuup kyā mausam koī suhānā kyā

aur kuchh roz ruke sust lahū kā mausam
aur kuchh der yahī rañg-e-ḳhizāñ rah jaa.e

surḳh mausam kī kahānī to purānī ho ga.ī
khul gayā mausam to saare shahr meñ charchā huā

guzar rahe the mah-o-sāl aur mausam par
hamāre shahar meñ aatī thī ghir ke jab barsāt

kitne mausam haiñ sirf us ke liye
kitne chehroñ pe vo sajā hai ab

rafūgarī ko ye mausam hai sāzgār bahut
hameñ junūñ ko abhī jāma-dar nahīñ karnā

koī Takrā.e to is hijr-zada mausam meñ
raat jañgal meñ bahut ḳhud ko jalāyā maiñ ne