Tags-Mausam

shadīd-tar hai tasalsul meñ hijr kā mausam
kabhī milo ki use mo'tadil banāyā jaa.e

mausam-e-abr-o-bād se pochheñ lazzat-e-sozāñ kā mafhūm
mauja-e-ḳhūñ se dāman-e-gul par harf-e-junūñ tahrīr kareñ

dast-e-junūñ meñ dāman-e-gul ko laane kī tadbīr kareñ
narm havā ke jhoñko aao mausam ko zanjīr kareñ

vo gul jis ke liye ye āsmāñ mausam badaltā hai
usī kā biij merī ḳhāk-e-jāñ meñ bo ga.e ho kyā

sabz parcham ko milī āzād mausam kī havā
ham ko apnī sar zamīñ kā chāñd taara mil gayā

hai ye sach ki mausam-e-hijr meñ mirā ḳhaar ḳhaar badan huā
kabhī yaad tujh ko jo kar liyā to badan ke ḳhaar chale ga.e

vo shaḳhs aayā thā ai 'sham.a' le ke mausam-e-gul
use ḳhabar hī na thī dard merā zevar thā

zahr bhar detā hai lahje meñ sulagtā mausam
guftugū karne ke andāz badal jaate haiñ

maiñ na.e mausam meñ barg-e-tāza ban kar ā.ūñgā
phir mileñge ai havā-e-shaḳhsār agle baras

use bhī pyaar ke mausam pasand haiñ 'jāzib'
safar kī dhuup meñ jalne shajar bhī aatā hai

sāvan ho patjhaḌ ho ki gul-rut
dil har mausam meñ tanhā hai

nik.hat-o-rañg na mausam kī havā Thahrī hai
gul kī qismat meñ ba-har-hāl fanā Thahrī hai

maiñ khil nahīñ sakā ki mujhe nam nahīñ milā
saaqī mire mizāj kā mausam nahīñ milā

mausam-e-gul kī havā aa.ī na jis ko sāz-vār
dil hai vo pazhmurda ġhuncha ālam-e-ījād kā

tū na thā paas to rūThī thiiñ bahāreñ mujh se
jaise mausam ho mire saath ḳhizāoñ jaisā

ab hijr kā mausam aa pahuñchā ham jaan ga.e the jab dil meñ
ik dard ne Derā Daal liyā ik dukh ne bayāñ imkān kiyā

magar hijrat-zada mausam meñ
jab koī akelī kuuñj kar laatī huī

mausam-e-gul meñ haiñ dīvānoñ ke bāzār ka.ī
shor-e-bulbul ka.ī zanjīr kī jhankār ka.ī

mausam-e-gul meñ mire chāk-e-garebāñ ko dekh
phaaḌ ga.e pairahan-e-sabr rafū-kār ka.ī

jab se aayā hai fasādāt ke mausam meñ ubaal
ham bhī maujoñ meñ ghire TuuTe safīnoñ kī tarah