Tags-Mausam

maiñ na.ī rut ke safar par huuñ magar
pichhle mausam kā ḳhumār āñkhoñ meñ hai

kitne sūraj Duube
kitne mausam biite

mausam-e-ḳhushk huā tez magar va.ada rahā
surḳh phūloñ ke liye nām-e-vafā lā.ūñgā

ḳhudā-e-zabt ne mausam pe qudtareñ baḳhshīñ
ġhubār-e-tund ko āhista-gām maiñ ne kiyā

is mausam meñ gul-dānoñ kī rasm kahāñ hai
logo ab phūloñ kī ātish-dān meñ rakhnā

aatā hai jab bahār kā mausam
jab junūñ ustuvār hotā hai

mausam-e-gul bhī hai āñkhoñ meñ ḳhizāñ
dil hī kyā baiThā chaman murjhā gayā

mausam-e-nau kī ḳhabar ḳhushk zamīnoñ ke liye
tairtā aatā hai pattā jo harā paanī par

phir bhī ham log vahāñ jiite haiñ jiine kī tarah
mausam-e-qahr jahāñ Thahrā huā rahtā hai

noch kar shāḳhoñ ke tan se ḳhushk pattoñ kā libās
zard mausam bāñjh-rut ko be-libāsī de gayā

mire des kī un zamīnoñ ke beTe jahāñ sirf be-barg patthar haiñ sadiyoñ se tanhā
jahāñ sirf be-mehr mausam haiñ aur ek dardoñ kā sailāb hai umr-paimā

ḳhushī ke phuul khile the tumhāre saath kabhī
phir is ke ba.ad na aayā bahār kā mausam

ham us kī bātoñ kī bārishoñ meñ har ek mausam meñ bhīgte the
vo apnī chāhat ke saare manzar hameñ dikhā kar chalā gayā hai

mausam-e-hijr meñ tirī yādeñ
dasht meñ ābshār kī sūrat

san rahe haiñ ki phir navāzish hai
mausam-e-qīl-o-qāl kyuuñ aayā

dil meñ is kā ḳhayāl kyuuñ aayā
mausam-e-barshgāl kyuuñ aayā

tirī yaad kī barf-bārī kā mausam
sulagtā rahā dil ke andar akele

hameñ to yaad bahut aayā mausam-e-gul meñ
vo surḳh phuul sā chehra khilā huā ab ke

ro rahā huuñ mausam-e-gul dekh kar
maiñ samajhtā thā mujhe sabr aa gayā

bahut dinoñ meñ milā hai payām-e-mausam-e-gul
nasīm-e-sub.h chalī hai kashāñ kashāñ le kar