Tags-Maut

ye saa.eñ saa.eñ kī āvāz hai ki maut kī huuk
jo gūñjtī hai shayātīn ke tarānoñ meñ

mohmal hai na jāneñ to, samjheñ to vazāhat hai
hai ziist faqat dhokā aur maut haqīqat hai

bārhā bhī maut se hai sāmnā
aazmā lī bārhā kī zindagī

kis ne dekhā hai ḳhudā kī maut ko
kis ne dekhī hai ḳhudā kī zindagī

kis tarah maut ko samjhūñ na hayāt-e-abadī
aap aa.e ki koī sāhib-e-ejāz aayā

kyuuñ hai ḳhāmosh dilā kis se ye sargoshī hai
maut aa.ī ki tire vāste hamrāz aayā

na bhūlegā hameñ 'mahrūm' sub.h-e-roz-e-mahshar tak
kisī kā maut ke āġhosh meñ vaqt-e-sahar jaanā

yakāyak manzil-e-āfāt-e-ālam se guzar jaanā
Dareñ kyuuñ maut se jab hai isī kā naam mar jaanā

marte haiñ aarzū meñ marne kī
maut aatī hai par nahīñ aatī

shab hijrāñ kā sannāTā hai taarī band haiñ āñkheñ
ye maut i ki tere soḳhta-jānoñ ko niiñd aa.ī

maut ke aaseb se 'raunaq' abas Darte haiñ log
zindagī bhar zindagī se pyaar honā chāhiye

ishq martā na apnī maut se aah
āsshiqān-e-karām ne maarā

is tarah jiinā ki auroñ kā bharam qaa.em rahe
maut bar-haq hai magar us chāra-gar kī sochnā

sambhāl rakhā thā ammī ne jis ko maut talak
usī kabāḌ se kuchh taḳhtiyāñ nikal aa.iiñ

jab aa.ī maut to rāhat kī saañs lī ham ne
ki saañs lene kī zahmat tamām ho ga.ī hai

bitā.ī maut ke saaye meñ zindagī apnī
binā hī zahr ke kar lī hai ḳhud-kushī maiñ ne

rāste bhar us ruup kī dhuup meñ jaan khapā.eñge maut kī had tak
chalte samay phir us kī zulf kī chhāñv meñ bisrām kareñge

zindagī-o-maut vāhid aa.ina
aadmī hai hadd-e-fāsil ke qarīb

na zindagī hai na maut hai ye
na jī rahā huuñ na mar rahā huuñ

sūraj ugā to zindagī kī shaam ho ga.ī
ab sub.h-e-nau bhī maut kā paiġhām ho ga.ī