Tags-Maut

aane vaalī to thī magar kab tak
maut kī kuchh ḳhabar nahīñ aatī

ishq-bāzī hai zinda-dar-gorī
maut se pahle mar chukā huuñ maiñ

ai dil-e-'zoyā' tujhe marne kī jaldī hai to jā
ham tirī maut kā mātam nahīñ karne vaale

maut kā ḳhauf bhī hotā to mafar kab miltā
phir ye ham kis liye darmān-o-davā chāhte haiñ

har saḌak par maut chal rahī thī
aur har dīvār par

kahāñ majnūñ kahāñ 'farhād'-o-'vāmiq'
hamārī maut ke sab nauha-ḳhvāñ the

lagī haiñ maut par āñkheñ magar hai diid kī hasrat
ye vaqt-e-naz.a hai āñkhoñ meñ dam yuuñ bhī hai aur yuuñ bhī

dar haqīqat maut kā matlab to hai naql-e-makāñ
jis tarah kamre ke andar se koī bāhar gayā

kirshn 'mohan' ye bhī hai kaisā akelā-pan ki log
maut se Darte haiñ maiñ to zindagī se Dar gayā

maut ne aaj ḳhud-kushī kar lī
ziist par kyā banī ḳhudā jaane

maut kī niiñd sulā de 'ḳhālid' kin hāthoñ kī thapak
nezoñ par sar kaun uchhāle ye ham kyā jāneñ

sar-nigūñ ho na maut ke aage
zindagānī ko sharmsār na kar

na tum aa.e na chain aayā na maut aa.ī shab-e-va.ada
dil-e-muztar thā maiñ thā aur thiiñ be-tābiyāñ merī

na maut aa.e jise aisā koī kirdār ho apnā
kahānī ban ke aisī dīda-e-namnāk se nikleñ

har vaqt haiñ maut kī duā.eñ
allāh re lutf zindagī kā

maut kī dastaras meñ kab se haiñ
zindagī kā koī bahāna bane

jab jī chāhe maut bichhā do bastī meñ
lekin bāteñ pyārī pyārī kiyā karo

teġh ne gardan judā kī maut ne lī jān-e-zār
mere sar par aap kā ehsān kyā hai kuchh nahīñ

roiye kyā zindagānī ko 'zahīr'
maut kā bhī ab mazā jaatā rahā

zindagī ko DhūñDne aa.e haiñ ham tere jahāñ
apnī bastī meñ to har jā maut ke imkān the