Collections

Lab Shayari

Motivational Ghazals

Best Khamoshi Shayari

More Collections

Tags-Maut

apne kāñdhoñ pe liye phirtā huuñ apnī hī salīb
ḳhud mirī maut kā mātam hai mire jiine meñ

apne kandhon pe liye phirta hun apni hi salib

maut par e'tibār hai apnā
vo bhī ab ki mukar na jaa.e kahīñ

lazzat-e-lams mar na jae kahin

sirf halkā sā achambhā aks sā uḌtā huā
ik ḳhayāl-añgez qissa apnī aadhī maut kā

husn mein gunah ki KHwahish

ziist dāman chhuḌā.e jaatī hai
maut āñkheñ churā.e jaatī hai

zist daman chhuDae jati hai

har gaam par tarīq-e-mohabbat meñ maut thī
is raah meñ khule dar-e-rahmat kahāñ kahāñ

aai hai kuchh na puchh qayamat kahan kahan

jis ke badle maut sadiyoñ kī basar karnā paḌe
zindagī kā qarz itnā to nahīñ jaañ kī taraf

aaj karna thi tawajjoh chaak-e-daman ki taraf

zindagī hai naam johd o jañg kā
maut kyā hai bhuul jaanā chāhiye

wo jo ruThen yun manana chahiye

sharm-e-īzā se mire dil ko yaqīñ hai ai maut
muñh na dikhlā.egī sub.h-e-shab-e-hijrāñ mujh ko

but-parasti ne kiya aashiq-e-yazdan mujhko

apne qātil kī zehānat se pareshān huuñ maiñ
roz ik maut na.e tarz kī ījād kare

apne qatil ki zehanat se pareshan hun main

maut kyā aatī bichhaḌ kar dost se
dekh lo 'almās' zinda rah gayā

yun bhi kya tha aur ab kya rah gaya

shaam dastakeñ degī tab samajh meñ aa.egā
zindagī talātum hai maut ik sahārā hai

bhigi bhigi palkon par ye jo ek sitara hai

fikr-e-imroz na andesha-e-fardā kī ḳhalish
zindagī us kī jise maut kā din yaad nahīñ

dil lagane ki jagah aalam-e-ijad nahin

maiñ apnī maut se ḳhalvat meñ milnā chāhtā huuñ
so merī naav meñ bas maiñ huuñ nāḳhudā nahīñ hai

main apni maut se KHalwat mein milna chahta hun

un ko tashbīh masīhā se jo dī vo bole
aaj ma.alūm huā maut tumhārī aa.ī

naubat-e-giriya o be-tabi-o-zari aai

maut kī āġhosh meñ girya-kunāñ hai zindagī
aa.iye do chaar aañsū aap bhī ro jā.iye

bar taraf kar ke takalluf ek taraf ho jaiye

qadr kab is zindagī kī zindagī meñ ho sakī
maut aa.ī rū-ba-rū to zindagī achchhī lagī

baad-o-baran ki nigahon mein nami achchhi lagi

maut ke darinde meñ ik kashish to hai 'sarvat'
log kuchh bhī kahte hoñ ḳhud-kushī ke baare meñ

maut ke darinde mein ek kashish to hai sarwat

chāhtā huuñ pahle ḳhud-bīnī se maut aa.e mujhe
aap ko dekhūñ ḳhudā vo din na dikhlā.e mujhe

chahta hun pahle KHud-bini se maut aae mujhe

chimaT jaa.e jo jism se maut se lamha pahle
jise roknā ġhair-mumkin ho vo zindagī hai

nahin dekhta din jise chashm-e-shab dekhti hai

naaz kyā kare 'dildār' aatī jaatī sāñsoñ par
zindagī jab insāñ kī maut kā nivāla hai

maine jab se chahat ke jugnuon ko pala hai