Tags-Maut

maut hai narm-dilī ke liye badnām un meñ
haiñ yahāñ aur bhī kuchh aisī balā.eñ baabā

aur jo kuchh bhī hai un ke darmiyāñ vo hai garāñ
zindagī arzāñ hai aur hai maut bhī sahlul-husūl

ik nazar kī kyā haqīqat hai magar ai dosto
umr bhar kī maut ban jaatī hai ik lamhe kī bhuul

ai chashm-e-yār maut kā pahlū bachā ke tū
aisī nigāh Daal ki maiñ nīm-jāñ rahūñ

mausam-e-gul meñ rahā zindāñ meñ aur aa.ī na maut
sāmne hotī nahīñ hai aañkh saare shahr se

hijr meñ ziist ko kahte haiñ maut
naf.a kā naam zarar Thahrā hai

yaas ne dard hī nahīñ haq to ye hai davā bhī dī
'fānī'-e-nā-umīd ko maut kā aasrā diyā

ab mirī laash par huzūr maut ko koste to haiñ
aap ko ye bhī hosh hai kis ne kise miTā diyā

maut ko ziist kī manzil kā patā kahte haiñ
rah-rav-e-ishq fanā ko bhī baqā kahte haiñ

aaj saare chaman meñ mātam hai
maut ne husn is kā luuTā hai

kyuuñ hameñ maut ke paiġhām diye jaate haiñ
ye sazā kam to nahīñ hai ke jiye jaate haiñ

kisī ke ek ishāre meñ kis ko kyā na milā
bashar ko ziist milī maut ko bahāna milā

ḳhudā ḳhāmosh hai aur ḳhauf-o-ġham se nīm-jāñ insāñ
havā kī lahr ko bhī maut kī aahaT samajhte haiñ

maut mujh ko dikhā.ī detī hai
jab tabī.at ko dekhtā huuñ maiñ

yahāñ jis kisī ne bhī sach kahā use maut tak kī milī sazā
ye to 'shād' terā nasīb thā to bhalī-burī se nikal gayā

kyā barbat-o-daf dam toḌ chuke maut aa ga.ī kyā har naġhme ko
tum mutrib-e-jām-o-mīnā ho kyuuñ teġh o sipar kī baat karo

ban ga.ī hai maut kitnī ḳhush-adā mere liye
sar jhukā kar phuul karte haiñ duā mere liye

vaqfa-e-maut bhī ġhanīmat hai
kuchh to fil-jumla mil gayā ārām

maut bā-e'tibār ho jaa.e
zindagī sharh-dar ho jaa.e

maut is ko na kyuuñ gavārā ho
zindagī jis pe baar ho jaa.e