Tags-Mehfil

shiddat-e-ehsās-e-tanhā.ī na pūchh
ham bharī mahfil meñ ghabrāte rahe

aao dekheñ ahl-e-vafā kī hotī hai tauqīr kahāñ
kis mahfil kā naam hai maqtal khiñchtī hai shamshīr kahāñ

vo mahfil se judā bhī ho chuke mahfil ko garmā kar
magar mahfil meñ ab tak garmī-e-mahfil kī bāteñ haiñ

bayāñ hoñ bhī to hoñ āḳhir kahāñ jo dil kī bāteñ haiñ
na tanhā.ī kī bāteñ haiñ na ye mahfil kī bāteñ haiñ

mahfil kī mahfil behis hai taarī hai jumūd insānoñ par
uTh soz kā aalam barpā kar aur aag lagā de har dil meñ

hañsne kā tarīqa paidā kar rone kā salīqa paidā kar
hañs phuul kī sūrat gulshan meñ ro sham.a kī sūrat mahfil meñ

aur to sab ke liye hai terī mahfil meñ jagah
ham jo baiTheñ abhī darbān uThāne aa.e

sham-e-sozāñ kuchh ḳhabar bhī hai tujhe o mast-e-ġham
husn-e-mahfil hai jabhī jab tak ki parvāna rahe

batā.ūñ kyā ki mere dil meñ kyā hai
tū hī tū hai bharī mahfil meñ kyā hai

batā.ūñ kyā ki mire dil meñ kyā hai
sivā tere tirī mahfil meñ kyā hai

shola bhaḌke na kyuuñ ki mahfil meñ
sham.a tujh bin havā se laḌtī hai

aaj aap apne mahāsin kā bayāñ kar liije
mahfil-e-tazkira-e-ahl-e-vafā aur sahī

ḳhalvat meñ raushnī hai na mahfil meñ raushnī
ahl-e-vafā charāġh-e-vafā le kahāñ ga.e

jo thī hāsil tirī mahfil se pahle
usī ḳhalvat meñ jaanā chāhtā huuñ

mahfil meñ un kī samt nigāheñ na uTh sakīñ
ham bil-ḳhusūs ahl-e-nazar kī nazar meñ haiñ

ajiib us kī hai mahfil ki us kī mahfil meñ
pur-imtiyāz the sab surḳh-rū koī bhī na thā

kahīñ panāh nahīñ miltī lamha bhar ke liye
ki jab se mahfil-e-dil-dādgāñ ko chhoḌ diyā

sham.a ke tere karishme ne dil-afrozī kī
in ne tab duur ye mahfil kī siyah-rozī kī

koī añgḌā.iyāñ letā jab aa jaatā hai mahfil meñ
tamannā karvaTeñ letī hai paiham dukh-bhare dil meñ

ham dekh chuke haañ dekh chuke dastūr tumhārī mahfil kā
jab shukr pe ye pābandī hai phir jur.at-e-shikva kaun kare