Tags-Mehfil

kuchh mā-o-shumā meñ farq nahīñ kuchh shāh-o-gadā meñ bhed nahīñ
ham bāda-kashoñ kī mahfil meñ har jaam ba-kaf jam hotā hai

ham ko Thukrāte chaleñ aap kī mahfil meñ adū
kyā unheñ kam nazar aatā hai yā kam dekhte haiñ

bār-e-ḳhātir hai agar mahfil meñ merā baiThnā
kaisī mahfil lo zamāne se uThā jaatā huuñ maiñ

ahl-e-mahfil ko sunātā huuñ mazāmīn-e-bahār
tab-e-rañgīñ ke zarīye phuul barsātā huuñ maiñ

merī hastī un kī mahfil meñ garāñ-ḳhātir nahīñ
sūrat-e-bād-e-sabā jaatā huuñ maiñ aatā huuñ maiñ

jis par mahfil luT jaatī hai
tujh ko 'ziyā' vo baat na aa.ī

hastī kī sub.h kaun sī mahfil kā hai ma.aal
āñkheñ khulī haiñ hasrat-e-jalva liye hue

aaj hī mahfil sard paḌī hai aaj hī dard farāvāñ hai
koī to dil kī bāteñ chheḌo yaaro mahfil-e-yārāñ hai

bekal bekal rahte ho par mahfil ke ādāb ke saath
aañkh churā kar dekh bhī lete bhole bhī ban jaate ho

mahfil meñ aa.ī kis kī sadā-e-shikast-e-dil
saaqī ke haath ruk ga.e sāġhar Thahar ga.e

ham-zānū-e-ta.ammul o ham-jalva-gāh-e-gul
ā.īna-band ḳhalvat-o-mahfil hai aa.ina

maiñ apne hī lahū kī aag meñ jaltā rahā barsoñ
khanakte hī rahe har bazm har mahfil meñ paimāne

aah vo shab-e-pur-nam uf vo nuur kī mahfil
darmiyāñ sitāroñ ke jalva-e-qamar dekhā

vo mujh ko dekh kar kuchh apne dil meñ jheñp jaate haiñ
koī parvāna jab sham-e-sar-e-mahfil se miltā hai

na mahfil aisī hotī hai na ḳhalvat aisī hotī hai
mire ma.abūd kyā jiine kī sūrat aisī hotī hai

mahfil-e-yār meñ kuchh baat na niklī muñh se
kahne ko sham.a kī mānind zabāñ rakhte haiñ

aap ke uThne pe mahfil kā ye aalam paayā
jaise hañste hue chehroñ se bahālī jaa.e

tanhā.ī meñ rote haiñ ki yuuñ dil ko sukūñ ho
ye choT kisī sāhab-e-mahfil se lagī thī

uThe tirī mahfil se to kis kaam ke uTThe
dil thaam ke baiThe the jigar thaam ke uTThe